மாஸ்டர் பிளான் சக்சஸ்!… அமைச்சரவையில் பாமக என்ட்ரி?… கதறும் விசிக… தவெகவின் ரகசிய ‘4:2’ டீலிங்… தமிழக அரசியலில் பூகம்பம்…!!

தமிழக சட்டமன்றத்தில் தவெக அரசுக்கு எதிராக நம்பிக்கை இல்லாத் தீர்மானம் கொண்டுவரப்படலாம் என்ற சூழல் எழுந்துள்ள நிலையில், கம்யூனிஸ்ட் கட்சிகளின் ஆதரவு விலகும் சூழல் உருவாகியுள்ளது. இதனால் தனது ஆட்சியைத் தக்கவைத்துக் கொள்ள பாமகவின் ஆதரவை தவெக நாடுகிறது. இடைத்தேர்தலில் யாருக்கும் ஆதரவில்லை என நடுநிலை வகித்ததன் மூலம் தவெகவுடன் நெருக்கத்தை ஏற்படுத்திய பாமக, சட்டப்பேரவையில் தனக்குள்ள நான்கு எம்.எல்.ஏ.-க்களின் பலத்தை வைத்து இரண்டு அமைச்சர் பதவிகளை தவெகவிடம் நிபந்தனையாகக் கேட்பதாகத் தகவல்கள் தெரிவிக்கின்றன.

தற்போது 2 எம்.எல்.ஏ.-க்கள் உள்ள விசிகவுக்கு 1 அமைச்சர் பதவி வழங்கப்படும் நிலையில், தனக்கு 2 அமைச்சர் பதவிகள் வேண்டும் என்பது பாமகவின் வாதமாக உள்ளது. மேலும், பாமகவும் விசிகவும் ஒரே கூட்டணியில் பயணிக்க முடியாது என்பதில் இரு கட்சிகளுமே உறுதியாக உள்ளன. வட மாவட்டங்களில் பாமகவின் செல்வாக்கும் வாக்கு வங்கியும் தவெகவுக்கு முக்கியமான தேவையாகப் பார்க்கப்படுவதால், தவெக விசிகவை விடுத்து பாமகவை அமைச்சரவையில் இணைத்துக்கொள்ள அதிக வாய்ப்புள்ளதாக அரசியல் வட்டாரங்கள் கணிக்கின்றன.

தவெக அரசில் இருந்து வெளியேற்றப்படும் சூழல் ஏற்பட்டால் தனக்கு திமுக மட்டுமே மாற்றாக அமையும் என்பதை உணர்ந்துள்ள விசிக, சமீபகாலமாக திமுக மீதான விமர்சனங்களைத் தவிர்த்து மென்மையான போக்கைக் கடைப்பிடிக்கத் தொடங்கியுள்ளது. இதன் காரணமாக, இடைத்தேர்தல் முடிவுகளுக்குப் பின் தமிழக அமைச்சரவையில் மாற்றங்கள் ஏற்பட்டு, புதிய அரசியல் கூட்டணிக் கணக்குகள் உருவாகும் சூழல் நிலவுகிறது.