ரஜினிக்கு ஜோடியா வேணா நடிக்கிறேன்… அந்த கேரக்டர்ல எல்லாம் நடிக்க மாட்டேன் – நடிகை வனிதா விஜயகுமார் போட்டாரே ஒரு போடு!

நடிகர் ரஜினிகாந்த் நடிப்பில் மிகப்பெரிய வெற்றியை படம் படையப்பா. இந்த படத்தை கேஎஸ் ரவிக்குமார் டைரக்ட் செய்திருந்தார். இந்த படத்தில் ரஜினிக்கு இணையாக மிரட்டலான வில்லி கேரக்டரில் நீலாம்பரியாக ரம்யா கிருஷ்ணன் நடித்திருந்தார். மேலும் சௌந்தர்யா லட்சுமி மணிவண்ணன் செந்தில் நாசர் அப்பாஸ் என பலர் படத்தில் நடித்திருந்தனர்.

படையப்பா படத்தில் ரஜினியின் 2 மகள்களில் ஒருவராக ப்ரீத்தா விஜயகுமார் நடித்திருந்தார். ஆனால் முதலில் இந்த கதாபாத்திரத்தில் நடிக்க இருந்தது நடிகை வனிதா விஜயகுமார் தான். இதுகுறித்து நடிகை வனிதா விஜயகுமார் ஒரு நேர்காணலில் கூறுகையில், படையப்பா படத்தில் முதலில் ரஜினியின் மகளாக நடிக்க இருந்தது நான்தான். ஆனால் நான் நடிக்க மறுத்துவிட்டேன்.

அதன் பின்புதான் என் தங்கை ப்ரீத்தாவுக்கு அந்த வாய்ப்பு கிடைத்தது. அவள் ரஜினிக்கு மகளாக நடித்து இருந்தாள். படையப்பா படத்தின் கதை கேட்டபோது சுத்தமாக எனக்கு பிடிக்கவில்லை. ரஜினிக்கு ஜோடியாக ஹீரோயின் ரோலில் நடிக்க கூப்பிட்டிருந்தால் ஒருவேளை நான் நடித்திருப்பேன் என்று வனிதா விஜயகுமார் அதில் கூறியிருக்கிறார்.