அவங்க வாழ்ற வாழ்க்கை வேற.. அவர் கதை எல்லாமே புதுசா இருக்கும்.. மாரி செல்வராஜ் பற்றி பேசிய அசிஸ்டன்ட் டைரக்டர் சரண்யா..!

பிரபல இயக்குனரான மாரி செல்வராஜ் பரியேறும் பெருமாள், கர்ணன், மாமன்னன் ஆகிய சூப்பர் ஹிட் படங்களை இயக்கியுள்ளார். அந்த வரிசையில் மாரி செல்வராஜ் இயக்கத்தில் உருவான வாழை திரைப்படம் கடந்த சில நாட்களுக்கு முன்பு ரிலீஸ் ஆகி வசூல் ரீதியாகவும் விமர்சன ரீதியாகவும் சூப்பர் ஹிட் ஆனது. இந்த படத்தில் நிகிலா விமல், திவ்யா துரைசாமி, கலையரசன் உள்ளிட்டோர் முக்கிய கதாபாத்திரத்தில் நடித்துள்ளனர். உண்மை சம்பவத்தை மையமாக வைத்து எடுக்கப்பட்ட வாழை திரைப்படம் மக்கள் மனதில் நீங்காத இடம் பிடித்துள்ளது.

இந்த நிலையில் வாழை படத்தில் வேலை பார்த்த அசிஸ்டன்ட் டைரக்டர்கள் மாரி செல்வராஜுடன் சமீபத்தில் ஒரு பேட்டியில் கலந்து கொண்டனர். அப்போது அசிஸ்டன்ட் டைரக்டராக வேலை பார்க்கும் சரண்யா என்பவரிடம் ஏன் மாரி செல்வராஜ் சாரிடம் அசிஸ்டண்டாக வேலைக்கு சேர்ந்தீர்கள்? அதற்கு காரணம் என்ன என கேள்வி எழுப்பினார். அதற்கு பதில் அளித்த சரண்யா நான் ஆரம்பத்தில் இருந்து சினிமா பார்த்து தான் வளர்ந்தேன். வீட்ல தனியா தான் இருப்பேன். எப்போதும் சினிமா தான் பார்ப்பேன்.

பார்க்க பார்க்க ஒரு ஆசை வந்துச்சு. நம்மளும் இது மாதிரி கதை சொல்லலாம் அப்படின்னு ஒரு ஆசை வந்துச்சு. ஸ்கூல்லயும் டிராமா அது இதுன்னு நிறைய கலந்துபேன். அதுக்கப்புறம் இதுதான் பண்ணனும்னு முடிவு எடுத்தேன். மாரி செல்வராஜ் சார் கிட்ட ஜாயின் பண்ணது எனக்கு ஒரு போனஸ் தான். காலேஜ் முடிச்ச உடனே எனக்கு ஒரு வாய்ப்பு கிடைத்தது. எங்கேயாவது உள்ள போயிட்டு சினிமாவை கத்துக்க மாட்டோமான்னு யோசிச்சுகிட்டு இருந்தேன்.

இவர்கிட்ட ஜாயின் பண்ணது சந்தோஷம்தான். முதல்ல சார் கிட்ட பேசும் போது எனக்கு 22 வயசு இருக்கும். அப்போ அவரு அனுபவத்தை பத்தி சொன்னாரு. அவரு இவ்வளவு பார்த்து இருக்காரா அப்படின்னு தோணுச்சு. நான் சென்னையில வளர்ந்த பொண்ணு. எனக்கு அந்த மாதிரி எக்ஸ்பீரியன்ஸ் கிடையாது. அவர் வாழ்க்கை ரொம்ப புதுசா இருந்துச்சு. அவர் சொன்ன கதைகள், அவர் ஷேர் பண்ண அனுபவம் எல்லாமே புதுசா இருந்துச்சு. அவங்க அங்க இருந்து வந்துருக்காங்க. அப்போ இவங்களோட கதை எப்படி இருக்கும்ன்னு கொஞ்சம் இன்ட்ரஸ்டிங்கா இருந்துச்சு என கூறியுள்ளார்.