ஒரே வாரத்தில் 50 உயர் அதிகாரிகள் பலி?… ஈரானின் உச்ச தலைவர் கமேனிக்கு நேர்ந்த கதி என்ன?… ஈரானை சல்லி சல்லியாக நொறுக்கிய அமெரிக்கா… அதிர வைக்கும் ரிப்போர்ட்..!!!

மத்திய கிழக்கில் போர் பதற்றம் உச்சகட்டத்தை எட்டியுள்ள நிலையில், அமெரிக்கா மற்றும் இஸ்ரேல் படைகள் இணைந்து ஈரான் மீது நடத்திய “ஆபரேஷன் எபிக் ஃப்யூரி” என்ற அதிரடி நடவடிக்கையில் ஒரே வாரத்தில் சுமார் 3,000-க்கும் மேற்பட்ட இலக்குகள் தாக்கி அழிக்கப்பட்டுள்ளன. கடந்த பிப்ரவரி 28 முதல் தொடங்கி நடைபெற்று வரும் இந்த வான்வழித் தாக்குதல்களில் ஈரானின் முக்கிய ராணுவ நிலைகள் மற்றும் அரசியல் கட்டமைப்புகள் குறிவைக்கப்பட்டன.

இது குறிப்பாக, ஈரானின் உச்ச தலைவர் அயதுல்லா அலி கமேனி உள்ளிட்ட சுமார் 50 உயர் அதிகாரிகள் இந்தத் தாக்குதலில் உயிரிழந்ததாகக் கூறப்படுவது சர்வதேச அளவில் பெரும் அதிர்வலைகளை ஏற்படுத்தியுள்ளது. இந்தத் தாக்குதல்களுக்குப் பதிலடியாக ஈரான் தரப்பிலிருந்தும் பஹ்ரைன், சவுதி அரேபியா மற்றும் ஐக்கிய அரபு அமீரகம் போன்ற வளைகுடா நாடுகளில் உள்ள அமெரிக்க மற்றும் இஸ்ரேலிய தளம் மீது ஏவுகணைத் தாக்குதல்கள் நடத்தப்பட்டுள்ளன.

இதற்கிடையே, அமெரிக்க அதிபர் டொனால்ட் டிரம்ப் தனது சமூக வலைதளப் பதிவில், ஈரான் எவ்வித நிபந்தனையுமின்றி உடனடியாகச் சரணடைய வேண்டும் என்றும், அதன் பிறகே பேச்சுவார்த்தைகள் குறித்துப் பரிசீலிக்கப்படும் என்றும் கடுமையாக எச்சரித்துள்ளார். மேலும், இஸ்ரேலுக்கு 151 மில்லியன் டாலர் மதிப்பிலான ஆயுதங்களை வழங்க அமெரிக்கா ஒப்புதல் அளித்துள்ள நிலையில், ஈரானில் புதிய தலைமை உருவாகும் வரை இந்த ராணுவ நடவடிக்கைகள் ஓயாது என்ற சூழல் நிலவுவதால் இப்பிராந்தியத்தில் அமைதியற்ற சூழல் தொடர்கிறது.