“அதுக்கு மட்டும் நான் ஒத்துக்கவே மாட்டேன்”…. ஸ்டாலினுக்கு செக் வைத்த உதயநிதி…. பண்ணை வீட்டில் நடந்த ரகசிய மீட்டிங்….!

2026 தமிழக சட்டசபை தேர்தல் முடிவுகளுக்குப் பிறகு, திமுகவுக்குள் திரைமறைவில் மறுசீரமைப்புப் பணிகள் மிகத் தீவிரமாக நடைபெற்று வருகின்றன. தொடர்ந்து இரண்டாவது முறை ஆட்சி என்ற எதிர்பார்ப்பு நிலவிய நிலையில், தேர்தல் களத்தில் ஏற்பட்ட பின்னடைவு மற்றும் முக்கிய தலைவர்களின் தோல்விகள் கட்சித் தலைமைக்கு பெரும் அதிர்ச்சியை ஏற்படுத்தின. இதனைத் தொடர்ந்து, தோல்விக்கான உண்மையான காரணங்களைக் கண்டறிய சிறப்பு கள ஆய்வு குழுக்கள் அமைக்கப்பட்டு, அனைத்து மாவட்டங்களிலும் கள ஆய்வு மேற்கொள்ளப்பட்டது.

கள ஆய்வு குழுவினர் வழங்கிய விரிவான அறிக்கையில், கட்சியின் உட்கட்சிப் பூசல்கள், நீண்டகாலமாக நிலவும் நிர்வாகக் குறைபாடுகள் மற்றும் வேட்பாளர் தேர்வில் நடந்த குளறுபடிகள் குறித்து சுட்டிக்காட்டப்பட்டிருந்தன. இந்த அறிக்கையின் அடிப்படையில் கட்சியை வலுப்படுத்த தங்கம் தென்னரசு, கீதாஜீவன் உள்ளிட்ட மூத்த நிர்வாகிகள் அடங்கிய மறுசீரமைப்பு குழு அமைக்கப்பட்டு, அண்ணா அறிவாலயத்தில் தலைவருடன் ஆலோசனைகள் நடத்தப்பட்டன.

இந்த மறுசீரமைப்பின் முக்கிய நடவடிக்கையாக, மாவட்ட செயலாளர்களின் அதிகாரத்தைக் குறைக்கவும், புதிய நிர்வாகிகளுக்கு வாய்ப்பளிக்கவும் திட்டமிடப்பட்டுள்ளது. அதன்படி, இரண்டு சட்டமன்றத் தொகுதிகளுக்கு ஒரு மாவட்ட செயலாளர் வீதம், மாநிலம் முழுவதும் சுமார் 115 மாவட்டங்களாகப் பிரிக்க திட்டம் வகுக்கப்பட்டுள்ளது. இதன் மூலம் பல காலமாக கட்சிக்குள் ‘குறுநில மன்னர்களாக’ வலம் வந்த மூத்த நிர்வாகிகளின் அதிகாரம் பரவலாக்கப்பட்டு, எளிய தொண்டர்களுக்கும் பொறுப்புகள் கிடைக்கும் என எதிர்பார்க்கப்படுகிறது.

அதேவேளையில், புதிய மாவட்ட செயலாளர்களைத் தேர்வு செய்வதில் உட்கட்சி தேர்தல் நடத்துவதா அல்லது நேரடியாக நியமிப்பதா என்பதில் கட்சித் தலைமைக்குள் இருவேறு கருத்துகள் நிலவுகின்றன. புதிதாகப் பிரிக்கப்படும் மாவட்டங்களுக்கு தேர்தல் மூலம் நிர்வாகிகளைத் தேர்வு செய்ய ஸ்டாலின் ஆலோசித்து வரும் நிலையில், அதற்கு உதயநிதி ஸ்டாலின் எதிர்ப்பு தெரிவிப்பதாகக் கூறப்படுகிறது. உட்கட்சி தேர்தல் நடத்தினால் தேவையற்ற கோஷ்டி பூசல்களும் மனக்கசப்புகளும் உருவெடுக்கும் என்பதால், மூத்த நிர்வாகிகளின் ஆதரவுடன் அமைதியான முறையில் நியமனங்களை மேற்கொள்ளவே கட்சி முயன்று வருகிறது.