“உங்க கட்சியே வேண்டாம்” அடுத்தடுத்து பதவியை ராஜினாமா செய்த 2 திமுக நிர்வாகிகள்… அதிர்ச்சியில் ஸ்டாலின்…!!

தமிழகச் சட்டமன்றத் தேர்தல் நெருங்கி வரும் வேளையில், தங்களுக்குப் போட்டியிட வாய்ப்பு மறுக்கப்பட்டதால் அதிருப்தியடைந்த திமுக மற்றும் அதிமுக நிர்வாகிகள் அடுத்தடுத்து கட்சியில் இருந்து விலகி வருவது அரசியல் வட்டாரத்தில் சலசலப்பை ஏற்படுத்தியுள்ளது. அந்த வகையில், சென்னை தி.நகர் தொகுதியின் தற்போதைய சட்டமன்ற உறுப்பினர் கருணாநிதி மற்றும் குடியாத்தம் வடகிழக்கு ஒன்றியச் செயலாளர் சுரேஷ்குமார் ஆகியோர் தங்களது கட்சிப் பதவிகளைத் திடீரென ராஜினாமா செய்துள்ளனர். வேட்பாளர் பட்டியலில் தங்கள் பெயர் இடம்பெறாதது இவர்களுக்குப் பெரும் ஏமாற்றத்தைத் தந்துள்ள நிலையில், இந்த விலகல் முடிவை எடுத்துள்ளதாகக் கூறப்படுகிறது.

மற்றொருபுறம், பென்னாகரம் தொகுதியில் போட்டியிட வாய்ப்பு கிடைக்காத அதிருப்தியில் இருக்கும் முன்னாள் எம்.எல்.ஏ பி.என்.பி. இன்பசேகரன், தனது அடுத்தகட்ட அரசியல் நகர்வாகப் பாமகவில் இணையத் திட்டமிட்டுள்ளதாகச் சமூக வலைதளங்களில் தகவல்கள் தீயாய்ப் பரவி வருகின்றன. தர்மபுரி மாவட்ட அரசியலில் செல்வாக்கு மிக்க குடும்பத்தைச் சேர்ந்த இவர், பாமகவில் இணைந்தால் அது அந்த மண்டலத்தில் பெரும் மாற்றத்தை ஏற்படுத்தும் எனக் கருதப்படுகிறது. தேர்தல் நேரத்தில் முக்கிய நிர்வாகிகள் இவ்வாறு அணி மாறுவது மற்றும் பதவிகளைத் துறப்பது அந்தந்தக் கட்சிகளின் தேர்தல் வியூகங்களுக்குப் பின்னடைவாக அமையலாம் என அரசியல் விமர்சகர்கள் கருதுகின்றனர்.