“என் தாயை அசிங்கமாக பேசியபோதும் பொறுத்துக்கிட்டேன்”…. மேடையில் கலங்கிய விஜய்…. திமுகவுக்கு மரண மாஸ் பதிலடி….!

மதுராந்தகம் இடைத்தேர்தல் பரப்புரை கூட்டத்தில் பேசிய முதல்வர் விஜய், திமுக அரசு மற்றும் அதன் தலைவர்கள் மீது கடுமையான விமர்சனங்களை முன்வைத்துள்ளார். தனது சொந்த தாயை திமுகவினர் தவறாகப் பேசியபோது கூடத் தான் அமைதி காத்ததாகத் தெரிவித்த அவர், தவெக மீது எந்தக் குற்றச்சாட்டையும் சுமத்த முடியாததால் பெண்கள் மற்றும் மாற்றுக் கருத்துடையவர்கள் மீது அவதூறு பரப்புவதையே திமுகவினர் வழக்கமாகக் கொண்டுள்ளனர் என்று சாடினார். மேலும், மாநிலத்தில் சிறுமிகளுக்கு எதிராக நடைபெற்ற பாலியல் குற்றச் சம்பவங்களைச் சுட்டிக்காட்டிய விஜய், குற்றவாளிகள் மீதான வழக்குகள் திமுக ஆட்சியில் மூடி மறைக்கப்படுவதாகக் குற்றம்சாட்டினார். 34 ஆண்டுகால திரை மற்றும் பொதுவாழ்வு அனுபவத்தில் பல தாக்குதல்களைச் சந்தித்த தனக்கு இதுபோன்ற விமர்சனங்கள் புதிதல்ல என்றும், தமிழ்நாட்டு மக்களின் பேராதரவே தனது வெற்றிக்கு முக்கியக் காரணம் என்றும் அவர் குறிப்பிட்டார்.

சட்டமன்றத்தில் திமுக உறுப்பினர்கள் தன்னை பேசவிடாமல் கூச்சலிடுவதாகக் குறிப்பிட்ட அவர், அவர்களின் நோக்கத்தைப் புரிந்து கொண்டதாலேயே தானும் உரத்தக் குரலில் பேசத் தொடங்கியதாகத் தெரிவித்தார். எம்.ஜி.ஆர் மற்றும் ஜெயலலிதா ஆகியோரைப் போல எனக்கும் திமுகதான் பிரதான அரசியல் எதிரி என்று தெளிவுபடுத்திய விஜய், திமுகவுடன் கூட்டணி அமைப்பது எம்.ஜி.ஆரின் உண்மை விசுவாசிகளின் மனதை காயப்படுத்தும் செயல் என்றும் விமர்சித்தார். எம்.ஜி.ஆர் தொண்டர்கள் மற்றும் மக்களின் நலனைப் பாதுகாக்கத் தான் எப்போதும் துணை நிற்பேன் என உறுதியளித்த அவர், வரவிருக்கும் அரசியல் களத்தில் தவெக உறுதியான மாற்றத்தை ஏற்படுத்தும் எனத் தெரிவித்தார்.