“விஜய் போட்ட அந்த ஒரு போன் கால்” – இரவோடு இரவாக திரண்ட மாவட்ட செயலாளர்கள்… அதிர்ச்சியில் அரசியல் வட்டாரம்….!

தமிழகச் சட்டசபைத் தேர்தலை முன்னிட்டு தமிழக வெற்றிக் கழகத்தின் தலைவர் விஜய், கட்சியின் மாவட்டச் செயலாளர்களுடன் அவசர ஆலோசனை மேற்கொள்கிறார். தேர்தலுக்கான கூட்டணி குறித்த அறிவிப்பை விஜய் ஏற்கனவே வெளியிட்டிருந்த நிலையில், இதுவரை எந்தவொரு முக்கியக் கட்சியும் தவெக-வுடன் அதிகாரப்பூர்வமாக கைகோர்க்கவில்லை. இந்தச் சூழலில், இரவோடு இரவாக மாவட்டச் செயலாளர்களுக்கு அழைப்பு விடுக்கப்பட்டு, நேற்று இரவு காணொளி வாயிலாக இந்தக் கூட்டம் நடைபெற்றது.

கூட்டணி அமையாத பட்சத்தில், தேர்தலில் தனித்துப் போட்டியிடுவதற்கான சாத்தியக்கூறுகள் மற்றும் அதனால் ஏற்படக்கூடிய சவால்கள் குறித்து இந்தக் கூட்டத்தில் விரிவாக விவாதிக்கப்பட உள்ளது. குறிப்பாக, 234 தொகுதிகளிலும் தனித்துப் போட்டியிட்டால் களப்பணியில் சந்திக்க வேண்டிய சிக்கல்கள் மற்றும் அதற்கான முன்னேற்பாடுகள் குறித்து கட்சி நிர்வாகிகளுக்கு விஜய் முக்கிய அறிவுறுத்தல்களை வழங்குவார் என எதிர்பார்க்கப்படுகிறது.

மேலும், வேட்பாளர் பட்டியலை இறுதி செய்வது, அக்கட்சியின் தலைவர் விஜய் போட்டியிடப் போகும் தொகுதி எது என்பது குறித்தும் ஆலோசிக்கப்பட வாய்ப்புள்ளது. தேர்தல் அறிக்கை தயாரிப்புப் பணிகள் எந்த நிலையில் உள்ளது என்பது குறித்தும், மாநிலம் தழுவிய தேர்தல் பிரச்சாரப் பயணத்தை எவ்வாறு திட்டமிடுவது என்பது குறித்தும் கட்சித் தலைமையுடன் மாவட்டச் செயலாளர்கள் கலந்துரையாட உள்ளனர்.

சமீபத்தில் மதுரையில் நடைபெற்ற மாநாட்டிற்குப் பிறகு தவெக-வின் அடுத்தகட்ட நகர்வுகள் மீது மிகுந்த எதிர்பார்ப்பு நிலவி வரும் வேளையில், இந்த அவசரக் கூட்டம் அரசியல் வட்டாரத்தில் பரபரப்பை ஏற்படுத்தியுள்ளது. பிப்ரவரி 23-ஆம் தேதி வேலூரில் விஜய் பிரச்சாரத்தைத் தொடங்கவுள்ள நிலையில், இன்றைய ஆலோசனைக் கூட்டத்தில் எடுக்கப்படும் முடிவுகள் தமிழக வெற்றிக் கழகத்தின் தேர்தல் வியூகத்தில் மிக முக்கியப் பங்கு வகிக்கும் எனக் கருதப்படுகிறது.