விஜய்க்கு அடுத்த ஷாக்… கூண்டோடு கட்சியிலிருந்து விலகி திமுகவில் ஐக்கியம்…. செம குஷியில் ஸ்டாலின்…!

தமிழகத்தில் சட்டமன்றத் தேர்தல் நடைபெறுவதற்கு இன்னும் ஐந்து மாதங்கள் மட்டுமே இருப்பதால் தேர்தல் களம் சூடுபிடிக்க தொடங்கிவிட்டது. அதிமுக மற்றும் திமுக இடையே போட்டி என்ற நிலை மாறி தற்போது விஜயின் களத்தில் இறங்கியுள்ளதால் 2026 தேர்தல் களம் பரபரப்பாகவே பார்க்கப்படுகிறது. குறிப்பாக விஜய் களத்தில் இறங்கிய பிறகு அவருக்கு பல கட்சிகளும் தொடர்ந்து அழைப்பு விடுத்து வரும் நிலையில் விஜய் இதுவரை கூட்டணி குறித்து அறிவிப்பை வெளியிடாமல் உள்ளார். அதேசமயம் கரூர் துயர சம்பவத்திற்கு பிறகு விஜய் கட்சியில் இருந்து விலகி பலரும் மாற்று கட்சிகளில் இணைந்து வருகிறார்கள். ஆனால் நடிகர் விஜய் தனது கட்சியை பலப்படுத்த பல முயற்சிகளை கையில் எடுத்துள்ளார்.

இந்நிலையில் காஞ்சிபுரம் மாவட்டத்தில் நடைபெற்ற முக்கிய நிகழ்வில் குன்றத்தூர் மற்றும் மணிமங்கலம் பகுதிகளை சேர்ந்த மாற்றுக் கட்சியினர் 150 பேரும், தமிழக வெற்றி கழகம் கட்சியை சேர்ந்த 40 முக்கிய நிர்வாகிகளும் திமுகவில் இணைந்துள்ளன. இந்த நிகழ்வு அந்த பகுதியில் குறிப்பிடத்தக்க அரசியல் மாற்றமாக பார்க்கப்படுகிறது. புதிதாக கட்சியில இணைந்த நிர்வாகிகளுக்கு காஞ்சிபுரம் திமுக வடக்கு மாவட்ட செயலாளர் அன்பரசன் சால்வை அணிவித்து வரவேற்றார். நாளுக்கு நாள் திமுகவின் பலம் கூடிக் கொண்டே வரும் நிலையில் தற்போது கட்சி நிர்வாகிகள் கட்சியிலிருந்து விலகி உள்ளது விஜய்க்கு அதிர்ச்சியை கொடுத்துள்ளது.