மதுராந்தகம் பரப்புரை பொதுக்கூட்டத்தில் உரையாற்றிய முதல்வர் விஜய், திமுக மற்றும் அதிமுக, பாஜக ஆகியவற்றைக் கடுமையாக விமர்சித்துப் பேசினார். “தமிழ்நாட்டில் செயல்படும் பாஜகதான் திமுக” என்று சாடிய அவர், திமுக, அதிமுக, பாஜக ஆகிய கட்சிகளுக்கு இடையே ரகசியக் கூட்டணி நிலவுவதாகவும், இவர்கள் அனைவருமே “ஒரே குட்டையில் ஊறிய மட்டைகள்” என்றும் குற்றம்சாட்டினார். ஜெயலலிதாவைத் தவறாகப் பேசியவர்களுடன் கைகோர்க்க நினைத்தபோதே பலரின் முகமூடிகள் கிழிந்துவிட்டதாகத் தெரிவித்த அவர், திமுகவின் முக்கியப் பொறுப்பில் இருப்பவர்கள் தொடர்ந்து ஆபாசமாகப் பேசி வருவதை மக்கள் உன்னிப்பாகக் கவனித்து வருவதாகத் தெரிவித்தார்.
அரசு வாங்கும் கடன்கள் அனைத்தும் மக்களுக்கு நல்லது செய்யவே தவிர கொள்ளையடிப்பதற்காக அல்ல என்று குறிப்பிட்ட விஜய், திமுக அரசின் ஊழல்கள் குறித்துக் கேள்வி எழுப்பினால் தனது வயதைச் சுட்டிக்காட்டி மழுப்புவதாகச் சாடினார். “நான் எப்போது பிறந்தால் என்ன? ஊழல் என்று சொன்னால் ஆதாரம் கேட்கிறார்கள், ஆதாரம் கொடுத்தால் நீதிமன்றத்தில் நிரூபிக்கப்படவில்லை என்கிறார்கள்” எனக் கூறிய அவர், அரசியலுக்கு வருவதற்கு முன்பும் வந்த பிறகும் திமுக தலைவர்களின் சொத்து மதிப்பு என்ன என்பதை வெளிப்படையாகக் காட்ட முடியுமா என்று பகிரங்க சவால் விடுத்தார். மேலும், தங்களுக்கு வாக்களிக்காத மக்களைத் திமுகவினர் தரக்குறைவாகச் சாடுவதைச் சுட்டிக்காட்டி, இந்த நாட்டின் உண்மையான உரிமையாளர்கள் மக்கள்தான் என்பதை நினைவூட்டினார்.
அரசியல் ரீதியாகத் தொடர்ந்து கேள்விகளை எழுப்பினாலும், “ஸ்டாலின் தோற்றாலும் ஜெயித்தாலும் அவர் என் ஸ்வீட் அங்கிள்” என்று குறிப்பிட்ட விஜய், எதிராளிகளின் மனக்கணக்குகள் எதுவும் மக்கள் மன்றத்தில் பலிக்காது என்றார். தமிழக வெற்றிக் கழகத்திற்கு ஆதரவாக ‘விசில்’ சின்னத்திற்கு வாக்களிக்குமாறு கேட்டுக்கொண்ட அவர், “இந்த விஜய்யைத் தொடாதீர்கள், அப்புறம் ஏன் தொட்டோம் என்று காலத்துக்கும் புலம்புவீர்கள்” எனத் தனக்கே உரித்தான பாணியில் எதிர்தரப்பினருக்கு எச்சரிக்கை விடுத்துத் தனது உரையை நிறைவு செய்தார்.
வி.எஸ். பாபு கடந்த இரண்டு மாதங்களுக்கும் மேலாகச் சென்னையில் உள்ள தனியார் மருத்துவமனையில் அனுமதிக்கப்பட்டு சிகிச்சை பெற்று வருகிறார். அவர்…
தமிழகம் முழுவதும் இன்று (நவம்பர் 6) அனைத்து ரேஷன் கடைகளும் வழக்கம்போல் செயல்படும் என தமிழக அரசு அதிகாரப்பூர்வமாக அறிவித்துள்ளது.…
ட்விஷா ஷர்மா மரண வழக்கில் முக்கியக் குற்றம் சாட்டப்பட்டவரான கிரிபாலா சிங்கின் ஜாமீன் மனுவை உயர் நீதிமன்றம் தள்ளுபடி செய்துள்ளது.…
தமிழக அரசியல் களத்தில் இதுவரை கேள்விப்பட்டிராத 'குதிரை பேரம்' என்ற சொல், தற்போது பட்டிதொட்டியெங்கும் எதிரொலித்து அரசியல் சூட்டை அதிகரிக்கச்…
தமிழ்நாடு மின்சார வாரிய ஊழியர்களுக்கு அரசு சமீபத்தில் அறிவித்த அகவிலைப்படி உயர்வுத் தொகை, தற்போது ஊழியர்களின் வங்கிக் கணக்குகளில் நேரடியாக…
ரஷியாவின் வதுலினோ விமான நிலையத்தில் நடைபெற்ற ‘விா்போர்ட் ஃபோர்சஸ் டே’ கொண்டாட்டங்களின் போது ஒரு கொடூரமான விபத்து நிகழ்ந்தது. சோவியத்…