“நகையை அடகு வச்சு தேர்தல் செலவுக்கு பணம் கொடுத்தீங்களே அம்மா…” இறந்த தாய் அருகே கதறிய தவெக வேட்பாளர்… நெஞ்சை உலுக்கும் சம்பவம்…!!

மன்னார்குடி சட்டமன்றத் தொகுதியில் தமிழக வெற்றிக் கழகத்தின் சார்பில் போட்டியிட்ட வேட்பாளர் யு.வி.எம்.ராஜராஜனின் தாயார் பானுமதி திடீரென காலமான சம்பவம் அப்பகுதியில் பெரும் சோகத்தை ஏற்படுத்தியுள்ளது. தேர்தல் களம் உச்சத்தில் இருந்தபோது, தனது மகனின் வெற்றிக்காகத் தனது கழுத்து மற்றும் காதில் இருந்த நகைகளை அடகு வைத்து தேர்தல் செலவுக்குப் பணம் கொடுத்துப் பக்கபலமாக இருந்தவர் அவர். “நீ கண்டிப்பாக வெற்றி பெற வேண்டும்” என மகனை உற்சாகப்படுத்திய தாய், வாக்கு எண்ணிக்கை முடிவுகள் வருவதற்கு முன்பே உயிரிழந்தது ராஜராஜனை நிலைகுலையச் செய்துள்ளது.

போதிய பணபலம் இல்லாத நிலையிலும், தனது தாயின் தியாகத்தையும் மக்களின் ஆதரவையும் நம்பி ராஜராஜன் தீவிரமாகப் பிரச்சாரம் செய்து வந்தார். இறுதி அஞ்சலியின் போது தனது தாயின் உடல் அருகே அமர்ந்து, “எல்லா நகைகளையும் கழற்றிக் கொடுத்துவிட்டு இப்போது வெறுமையாகக் கிடக்கிறாரே” என அவர் கதறி அழுதது அங்கிருந்தவர்களைக் கண்கலங்க வைத்தது. அரசியல் காழ்ப்புணர்ச்சியால் கிளப்பப்பட்ட அவதூறுகளைத் தாண்டி, தனது தாயின் ஆசியுடன் தேர்தல் முடிவுகளில் அதிசயம் நடக்கும் என்றும், மக்கள் தன்னை கைவிடமாட்டார்கள் என்றும் அவர் உருக்கமாகத் தெரிவித்துள்ளார்.