BREAKING: தங்கம் விலையில் மெகா சரிவு..! ஒரே நாளில் சவரனுக்கு ரூ.2,640 குறைந்தது … குஷியில் இல்லத்தரசிகள்..!!

தமிழகத்தில் தங்கத்தின் விலை கடந்த சில நாட்களாகவே கடும் சரிவைச் சந்தித்து வருகிறது. இன்றைய நிலவரப்படி, ஆபரணத் தங்கத்தின் விலை ஒரு கிராமுக்கு ரூ.13,620 ஆகவும், ஒரு சவரன் ரூ.1,08,960 ஆகவும் குறைந்துள்ளது. ஒரே நாளில் சவரனுக்கு ரூ.2,640 வரை விலை சரிந்துள்ளதால், நகை வாங்குவோர் மத்தியில் இது பெரும் மகிழ்ச்சியை ஏற்படுத்தியுள்ளது.

சர்வதேச சந்தையில் நிலவும் மாற்றங்கள் காரணமாகவே இந்த தொடர் சரிவு ஏற்பட்டுள்ளதாக பொருளாதார நிபுணர்கள் தெரிவிக்கின்றனர். கடந்த சில வாரங்களாக உச்சத்தில் இருந்த தங்கத்தின் விலை, தற்போது கணிசமாகக் குறைந்து வருவது இல்லத்தரசிகள் மற்றும் நடுத்தர வர்க்கத்தினருக்கு ஒரு நல்வாய்ப்பாக அமைந்துள்ளது. இந்த விலை வீழ்ச்சி வரும் நாட்களிலும் தொடருமா என்பதைப் பொறுத்திருந்துதான் பார்க்க வேண்டும்.