“என்கிட்டயே உங்க திமிர காட்டுறீங்களா..?” சுங்கச்சாவடியில் குண்டர்ராஜ்ஜியம்… கோபத்தில் கொந்தளித்து பெண் செய்த் காரியம்… ஓடி ஒழிந்த சுங்கச்சாவடி ஊழியர்கள்…!!

சுங்கச்சாவடி சிக்னல் பச்சையாக இருந்தபோதும், ஒரு பெண்ணின் காரை வழிமறித்த ஊழியர்கள் எவ்வித காரணமுமின்றி 10 நிமிடங்கள் காத்திருக்க வைத்துள்ளனர். இந்தத் தாமதம் குறித்துக் கேட்கச் சென்ற அவரது மைத்துனரை, சுங்கச்சாவடி ஊழியர் ஒருவர் தனது கையில் அணிந்திருந்த உலோக மோதிரங்களால் தலையில் ஓங்கித் தாக்கியுள்ளார். இதில் அவருக்குப் பலத்த ரத்தக் காயம் ஏற்பட்டது. பட்டப்பகலில் நடந்த இந்த வன்முறை அங்கிருந்தவர்களிடையே பெரும் அதிர்ச்சியை ஏற்படுத்தியுள்ளது.

தனது உறவினர் தாக்கப்பட்டதைக் கண்டு ஆத்திரமடைந்த அந்தப் பெண், துணிச்சலுடன் ஊழியர்களை நோக்கிச் சென்றபோது, அவர்கள் அப்பெண்ணின் முடியைப் பிடித்து இழுத்து தரதரவென இழுத்துச் சென்று அநாகரிகமாக நடந்து கொண்டுள்ளனர். ஆனால், அந்தப் பெண்ணின் அச்சமற்ற எதிர்வினையைக் கண்டு மிரண்டு போன ஊழியர்கள், அங்கிருந்து தப்பித்து அலுவலகத்திற்குள் ஓடி ஒளிந்து கொண்டனர். பொதுமக்களுக்குப் பாதுகாப்பு அளிக்க வேண்டிய சுங்கச்சாவடிகளில் இத்தகைய ‘குண்டர்ராஜ்யம்’ நடப்பது கண்டிக்கத்தக்கது என்றும், சம்பந்தப்பட்டவர்கள் மீது காவல்துறையினர் கடுமையான நடவடிக்கை எடுக்க வேண்டும் என்றும் சமூக வலைதளங்களில் கோரிக்கைகள் எழுந்துள்ளன.