வெடித்து சிதறிய ஏசி…! தூங்கி கொண்டிருந்த குடும்பத்தை சிதைத்த தீ…. நள்ளிரவில் நடந்த பயங்கர சம்பவம்…!!

ஹரியானா மாநிலம் பரிதாபாத் நகரைச் சேர்ந்தவர் சச்சின் கபூர்(49). இவரது மனைவி ரிங்கு கபூர்(48) இந்த தம்பதியினருக்கு ஆரியன் கபூர்(24) என்ற மகனும், 13 வயதில் சுஜன் என்ற மகளும் உள்ளனர். நேற்று முன்தினம் நள்ளிரவு நேரம் அவர்கள் தூங்கிக் கொண்டிருந்தபோது ஏசி திடீரென வெடித்து சிதறி தீப்பிடித்து எரிய ஆரம்பித்தது. இந்த தீ விபத்தில் சச்சின் கபூர், அவரது மனைவி, மகள் ஆகியோர் பரிதாபமாக உயிரிழந்தனர்.

ஆரியன் கபூர் பால்கனியிலிருந்து கீழே குதித்ததால் படுகாயங்களுடன் உயிருக்கு போராடிக் கொண்டிருந்தார். இதுகுறித்து அறிந்த தீயணைப்பு வீரர்கள் சம்பவ இடத்திற்கு விரைந்து சென்று வீட்டில் பற்றி எரிந்த தீயை அணைத்தனர். தற்போது ஆரியன் கபூர் மருத்துவமனையில் தீவிர சிகிச்சை பிரிவில் அனுமதிக்கப்பட்டுள்ளார். இந்த தீ விபத்தில் சச்சின் வளர்த்து வந்த நாயும் உயிரிழந்தது. இந்த சம்பவம் அப்பகுதியில் பெரும் சோகத்தை ஏற்படுத்தியுள்ளது.