அடுத்த ஷாக்… விஜய்யை வைத்து பாஜக போடும் பிளான்… உண்மையை புட்டுவைத்த திருமாவளவன்…!

கரூரில் சமீபத்தில் தமிழக வெற்றி கழகம் தலைவர் விஜய் நடத்திய பிரச்சாரக் கூட்டத்தில் ஏற்பட்ட நெரிசலில் சிக்கி 41 பேர் பரிதாபமாக உயிரிழந்தனர். இந்த சம்பவம் தமிழகம் முழுவதும் பெரும் அதிர்வலைகளை ஏற்படுத்தியுள்ள நிலையில் அரசு தீவிர விசாரணை நடத்தி வருகிறது. அதேசமயம் விஜய்க்கு எதிராக பலரும் தங்கள் கண்டனங்களை பதிவு செய்த நிலையில் உயிரிழந்தவர்களுக்கு இரங்கல் தெரிவித்து நேற்று முன்தினம் விஜய் வீடியோ வெளியிட்டு இருந்தார். அந்த வீடியோவில் என் மீது ஏதாவது கோபம் இருந்தால் என்னை பழிவாங்குங்கள் நான் அலுவலகம் அல்லது வீட்டில் தான் இருப்பேன் என்று முதல்வர் ஸ்டாலினுக்கு விஜய் எச்சரிக்கை விடுத்திருந்தார்.

இந்நிலையில் விஜய் ஆபத்தான அரசியலை கையில் எடுத்திருப்பதாக திருமாவளவன் சாடியுள்ளார். கொள்கை எதிரியாக அறிவித்தோம் விஜயை பாதுகாக்க பாஜக வருவது சந்தேகத்தை எழுப்புவதாக கூறிய அவர், பாஜகவின் தூண்டுதலால் தான் விஜய் அரசியலுக்கு வந்துள்ளார் எனவும் பேசி உள்ளார். மேலும் விஜயை பாஜக கூட்டணியில் சேர்த்துக் கொள்ள மாட்டார்கள் எனவும் தனியாக நிற்க வைத்து வாக்குகளை பிரிப்பது அவர்களது நோக்கம் என்றும் தெரிவித்துள்ளார்.