“அமைச்சரவையில் அதிமுகவுக்கு இடமில்லை!… விஜய் எடுத்த அதிரடி முடிவு.. உண்மையை போட்டு உடைத்த திருமாவளவன்”…!!

தமிழக வெற்றிக் கழகம் (தவெக) சட்டமன்றத்தில் தனிப்பெரும்பான்மை பெறாத நிலையில், காங்கிரஸ், இடதுசாரிகள், இந்திய யூனியன் முஸ்லீம் லீக் மற்றும் விடுதலைச் சிறுத்தைகள் கட்சி (விசிக) உள்ளிட்ட கட்சிகள் நிபந்தனையற்ற ஆதரவு வழங்கியிருந்தன. இத்தகைய சூழலில், அதிமுகவின் ஒரு பிரிவினருக்குத் தவெக அமைச்சரவையில் இடம் ஒதுக்கப்பட உள்ளதாகத் தகவல்கள் பரவின. இது ஆதரவு வழங்கிய கூட்டணி கட்சிகளிடையே பெரும் அதிருப்தியை ஏற்படுத்தியது.

இந்த விவகாரம் குறித்து செய்தியாளர்களிடம் பேசிய விசிக தலைவர் திருமாவளவன், அமைச்சரவையில் அதிமுகவினருக்கு இடம் அளிக்கப்பட்டால், தவெக அரசுக்கு அளித்து வரும் ஆதரவை மறுபரிசீலனை செய்ய நேரிடும் என்று தான் ஏற்கனவே எச்சரித்திருந்ததை நினைவுபடுத்தினார். இது குறித்த தனது நிலைப்பாட்டை கடந்த இரண்டு மூன்று நாட்களுக்கு முன்பே தெளிவாகத் தெரிவித்துவிட்டதாகவும் அவர் குறிப்பிட்டார்.

இதனைத் தொடர்ந்து, தவெக தரப்பிலிருந்து வழங்கப்பட்ட விளக்கத்தில் அமைச்சரவையில் அதிமுகவினருக்கு இடம் அளிக்கப்படாது என்பது உறுதி செய்யப்பட்டுள்ளது. இந்த உத்தரவாதத்தின் மூலம் அமைச்சரவை விரிவாக்கம் தொடர்பான சர்ச்சைகள் தற்காலிகமாக முடிவுக்கு வந்துள்ளன. கூட்டணி கட்சிகளின் அழுத்தத்தைப் புரிந்துகொண்டு தவெக தலைமை எடுத்த இந்த முடிவு, அரசு ஸ்திரத்தன்மைக்கு முக்கிய காரணமாகக் கருதப்படுகிறது.