திக் திக் வீடியோ: அமைதியாக இருந்த முதலை வாலை பிடித்து துன்புறுத்திய இளைஞர்கள்… போலீஸ் அதிரடி நடவடிக்கை..!!

காஸ்கஞ்ச் (Kasganj) நடராய் பாலத்தின் அடியில், ஆற்று நீரில் அமைதியாக அமர்ந்திருந்த முதலையை இருவர் வம்புக்கு இழுக்கும் அதிர்ச்சியூட்டும் வீடியோ இணையத்தில் வெளியாகி வைரலாகி வருகிறது. தெளிவான தண்ணீருக்குள் எவ்வித அச்சுறுத்தலும் இன்றி இருந்த அந்த முதலையின் வாலைப் பிடிக்க ஒரு நபர் முயன்றார். எப்படியோ அதன் வாலைப் பிடித்த அவர், முதலையைத் தண்ணீருக்கு வெளியே இழுக்க முற்பட்டது அங்கிருந்தோரை அதிர்ச்சியில் ஆழ்த்தியது.

திடீரென நடத்தப்பட்ட இந்தத் தாக்குதலால் திடுக்கிட்ட அந்த முதலை, கடுமையாகப் போராடி தனது வாலை விடுவித்துக்கொண்டு ஆற்றுக்குள் ஓடித் தப்பியது. சுமார் 42 விநாடிகள் ஓடும் இந்த வீடியோவைப் படம்பிடித்த நபர், மிகவும் ஆபாசமான வார்த்தைகளைப் பயன்படுத்துவதும் அதில் பதிவாகியுள்ளது. வனவிலங்கு பாதுகாப்புச் சட்டத்திற்குப் புறம்பாக முதலையைத் துன்புறுத்திய அந்த நபர்கள் மீது நடவடிக்கை எடுக்க காவல்துறை தீவிரமாகத் தயாராகி வருகிறது.