பாத்திரம் கழுவும் பெண் டூ MLA..! 12,000 வாக்குகள் வித்தியாசத்தில் வெற்றி… மாபெரும் புரட்சி செய்த பிரதமர் மோடி..!!

மேற்கு வங்கத் தேர்தல் முடிவுகளில் ஒரு மிகப்பெரிய திருப்பமாக, முதலமைச்சர் மம்தா பானர்ஜி தனது சொந்தக் கோட்டையான பவானிபூர் தொகுதியில் தோல்வியடைந்துள்ளார். அவரை எதிர்த்துப் போட்டியிட்ட பாஜக வேட்பாளர் சுவேந்து அதிகாரி சுமார் 15,000 வாக்குகள் வித்தியாசத்தில் மம்தாவை வீழ்த்தி அதிரடி வெற்றி பெற்றுள்ளார். இந்த எதிர்பாராத தோல்வி திரிணாமுல் காங்கிரஸ் தொண்டர்கள் மத்தியில் பெரும் அதிர்ச்சியையும், சோகத்தையும் ஏற்படுத்தியுள்ளது.

மற்றொரு புறம், இந்தத் தேர்தலில் ஒரு நெகிழ்ச்சியான மற்றும் வரலாற்றுச் சிறப்புமிக்க வெற்றியாக அஸ்கிராம் (தனி) தொகுதியில் பாஜக சார்பில் போட்டியிட்ட கலிதா மாஜி (37) வெற்றி பெற்றுள்ளார். கடந்த 20 ஆண்டுகளாகப் பிறர் வீடுகளில் பாத்திரம் கழுவுவது மற்றும் துப்புரவுப் பணிகளைச் செய்து வந்த இவர், மாதம் வெறும் 2,500 ரூபாய் மட்டுமே ஊதியமாகப் பெற்று வந்தவர் என்பது குறிப்பிடத்தக்கது. வேட்பாளராக அறிவிக்கப்பட்ட பிறகும் தனது வாழ்வாதாரத் தொழிலைக் கைவிடாத கலிதா மாஜி, தற்போது 12,000 வாக்குகள் வித்தியாசத்தில் வெற்றி பெற்று சட்டமன்ற உறுப்பினராக (MLA) உருவெடுத்துள்ளார். இது எளிய மக்களின் வெற்றியாகப் பார்க்கப்படுகிறது.

இந்தத் தேர்தல் முடிவுகளின்படி, திரிணாமுல் காங்கிரஸ் வெறும் 80 இடங்களில் மட்டுமே வெற்றி பெற்றுள்ளது. இதன் மூலம் மேற்கு வங்கத்தில் நீண்ட காலமாக நீடித்து வந்த ‘மம்தா சகாப்தத்திற்கு’ முற்றுப்புள்ளி வைக்கப்பட்டு, பாஜக புதிய ஆட்சியை மலரச் செய்துள்ளது. எளிய பின்னணி கொண்ட வேட்பாளர்களின் வெற்றி மற்றும் மம்தா பானர்ஜியின் தோல்வி ஆகியவை இந்தத் தேர்தலின் முக்கிய அடையாளமாக மாறியுள்ளன.