ஈரானுக்குள் நுழையும் அமெரிக்கா…? பென்டகன் போட்ட ‘பக்கா’ பிளான்…. டிரம்ப் எடுக்கப்போகும் அந்த ஒரு முடிவு…!!

ஈரான் மீது நேரடித் தரைப்படைத் தாக்குதலை நடத்த அமெரிக்காவின் பாதுகாப்புத் தலைமையகமான பென்டகன் தீவிரமான போர் வியூகங்களை வகுத்து வருகிறது. இதற்காக சுமார் 2,200 கடற்படை வீரர்களுடன் மூன்று பிரம்மாண்ட போர்க்கப்பல்கள் கலிபோர்னியாவிலிருந்து மத்திய கிழக்கு நோக்கிப் புறப்பட்டுள்ளன. வான்வழித் தாக்குதல் மற்றும் கடல்வழித் தரைப்படை ஊடுருவலில் கைதேர்ந்த அமெரிக்காவின் முக்கிய ராணுவப் பிரிவுகள் எந்நேரமும் களமிறங்கத் தயார் நிலையில் வைக்கப்பட்டுள்ளன. ஈரானியப் படையினரைக் கைது செய்யவும், அவர்களைத் தடுத்து வைத்து விசாரணை நடத்தவும் தேவையான இடங்களை அமெரிக்க ராணுவம் ஏற்கனவே அடையாளம் கண்டுள்ளதாகத் தகவல்கள் வெளியாகியுள்ளன.

இந்த விவகாரம் குறித்து அதிபர் டொனால்ட் டிரம்ப் நேரடியாக எதையும் உறுதிப்படுத்தவில்லை என்றாலும், ஈரானில் நிலைகொண்டுள்ள அமெரிக்கப் படைகளுக்குத் தேவையான அனைத்து மாற்றுத் திட்டங்களையும் பென்டகன் தயார் செய்துள்ளது. குறிப்பாக, போர் மூளும் பட்சத்தில் ஈரானின் துணை ராணுவப் படையினரை எவ்வாறு கையாள்வது என்பது குறித்த விரிவான தளவாடத் திட்டங்கள் வகுக்கப்பட்டுள்ளன. அமெரிக்காவின் இந்த அதிரடி நகர்வால் வளைகுடா நாடுகள் முழுவதும் போர் பதற்றம் உச்சகட்டத்தை எட்டியுள்ளது. பென்டகனின் இந்தத் திட்டம் நடைமுறைக்கு வந்தால், ஈரானின் தற்போதைய நிலைமை இன்னும் மோசமாகப் பாதிக்கப்படும் என எதிர்பார்க்கப்படுகிறது.