கங்கை அமரன் ஓபனா பேச… வெங்கட் பிரபு சமாளிக்க… சிவகார்த்திகேயன் ஆடிய திடீர் நாடகம்?… பின்னணியில் அதிர்ச்சி தகவல்…!

இயக்குநர் வெங்கட் பிரபு எப்போதுமே யாருடனும் சண்டைக்குச் செல்லாமல் கலகலப்பாகப் பழகக்கூடிய அமைதியான நபர் என்றும், அவரது தந்தை கங்கை அமரன் தேவையற்ற சர்ச்சையைக் கிளப்பியபோதிலும் அதை நிலைமை பெரிதாகாமல் அவர் மிகவும் திறம்படக் கையாண்டுள்ளார் என்றும் மூத்த பத்திரிகையாளர் அந்தணன் தெரிவித்துள்ளார். ‘கோட்’ படத்திற்குப் பிறகு சிவகார்த்திகேயனை வைத்துத்தான் வெங்கட் பிரபு படம் இயக்கியிருக்க வேண்டும் என்றும், விஜய்யை சம்மதிக்க வைப்பதற்கும் சிவகார்த்திகேயனை சமாதானப்படுத்துவதற்கும் தான் அப்ப படத்தில் அந்த முக்கியமான கோர்ட் காட்சியையே வைத்ததாகவும் குறிப்பிட்டுள்ளார். இருப்பினும், ‘கோட்’ படத்திற்குப் பின் சிவகார்த்திகேயன் தன்னிடம் சரியாகப் பேசாமல் ஏமாற்றிவிட்டதாக வெங்கட் பிரபு ஆதங்கப்பட்டதை அறிந்துதான், தந்தை பாசத்திலும் வருத்தத்திலும் கங்கை அமரன் பொதுவெளியில் சிவகார்த்திகேயன் குறித்துப் பேசிவிட்டார் என்று அந்தணன் விளக்கியுள்ளார்.

தந்தை ஏற்படுத்திய சர்ச்சையைத் தணிக்கும் விதமாக “நாங்கள் எதிர்காலத்தில் இணைந்து படம் பண்ணுவோம்” என்று வெங்கட் பிரபு மிகவும் மென்மையாகப் பதிவிட்டு பிரச்சினையை முடிவுக்குக் கொண்டுவர முயன்றார். ஆனால், அதற்கு சிவகார்த்திகேயன் தனிப்பட்ட முறையில் போன் செய்து பேசியிருக்கலாமே தவிர, “நாங்கள் எல்லாம் ஒரு குடும்பம்” என்று பொதுவெளியில் பதிவிட்டது மக்கள் மத்தியில் தனது நன்மதிப்பை (இமேஜ்) உருவாக்கிக் கொள்வதற்காகத்தானோ என்ற கேள்வியை எழுப்புகிறது. வெங்கட் பிரபுவின் பதிவு மற்றும் சிவகார்த்திகேயனின் பதிலைப் பார்க்கும்போது, இருவரும் சேர்ந்து ஏதோ நாடகமாடுகிறார்களோ என்ற எண்ணம் பொதுமக்கள் மத்தியில் எழுவதாகவும் அந்தணன் தனது பேட்டியில் சுட்டிக்காட்டியுள்ளார்.

சினிமாவைப் பொறுத்தவரை நிரந்தர எதிரியும் இல்லை, நிரந்தர நண்பனும் இல்லை என்பதை சுட்டிக்காட்டிய அவர், ‘கோட்’ திரைப்படம் எதிர்பார்த்த அளவுக்கு மிகப்பெரிய வெற்றியைப் பெறாததால் தான் இருவருக்கும் இடையே இந்த சிறிய இடைவெளி ஏற்பட்டுள்ளது என்றார். நாளை ஏதேனும் ஒரு மேஜிக் நடந்து, வெங்கட் பிரபு இயக்கும் ஒரு சிறிய திரைப்படம் மிகப்பெரிய வெற்றி பெற்றால், சிவகார்த்திகேயனே மீண்டும் அவரை அழைத்துத் தேதி கொடுத்துப் படம் பண்ணுவார் என்றும், சினிமா துறையில் இதுபோன்ற ஏற்ற இறக்கங்களும் மாற்றங்களும் மிகவும் இயல்பான ஒன்றுதான் என்றும் பத்திரிகையாளர் அந்தணன் அந்தப் பேட்டியில் விரிவாகப் பேசியுள்ளார்.