Categories: இந்தியாலேட்டஸ்ட் நியூஸ்வீடியோ

தும்பிக்கை இல்லை, ஒரு கால் ஊனம்… ஆனாலும் 17 ஆண்டுப் போராட்டம்… முதலையும், சிங்கமும் செய்த கொடூரம்… ருவாண்டா யானையின் நெகிழ்ச்சிக் கதை…!!

Spread the love

ஆப்பிரிக்க நாடான ருவாண்டாவில் உள்ள அககேரா தேசியப் பூங்காவில் (Akagera National Park), தும்பிக்கையின் ஒரு பகுதி இல்லாமலும், ஒரு கால் ஊனமுற்ற நிலையிலும் 17 ஆண்டுகளாக வாழ்ந்து வரும் ஒரு யானையின் கதை இணையதளங்களில் பலரது நெஞ்சங்களை நெகிழ வைத்துள்ளது. இந்த யானை மிகவும் சிறிய வயதாக இருந்தபோது, ஏரிக்குத் தண்ணீர் குடிக்கச் சென்றது. அப்போது அங்கு மறைந்திருந்த ஒரு முதலை திடீரெனத் தாக்கி அதன் தும்பிக்கையின் ஒரு பகுதியைக் கடித்துத் தின்றது. இந்தத் துயரம் முடிவதற்குள், வேட்டைக்காரர்கள் வைத்த பொறியில் சிக்கித் தனது ஒரு காலையும் அந்த யானை இழந்தது.

தும்பிக்கை மற்றும் ஒரு கால் என உடல்ரீதியாகப் பெரும் சவால்களைச் சந்தித்த போதிலும், அந்த யானை தைரியத்தை இழக்கவில்லை. கடந்த 17 ஆண்டுகளாக அதன் தாய் யானை, இந்தச் சிறிய யானையை ஒரு நிழலாகப் பின்தொடர்ந்து பாதுகாத்து வருகிறது. உணவிற்காகவும் பாதுகாப்பிற்காகவும் முழுமையாகத் தாயைச் சார்ந்து இருக்கும் இந்த யானை, தனது மூன்று கால்களைப் பயன்படுத்தி நடக்கும் காட்சிகள் @NatureChapter என்ற எக்ஸ் (X) தளத்தில் பகிரப்பட்டு வைரலாகி வருகிறது.