2 மாணவர்களுடன் வெவ்வேறு இடங்களில் விபரீதம்… கர்ப்பத்திற்கு காரணம் யார்?.. டிஎன்ஏ சோதனையில் வெளியான பகீர் உண்மை.. போலீசில் சிக்கிய ‘ரகசிய’ ஆதாரங்கள்..!!

அமெரிக்காவின் நியூ ஜெர்சி மாகாணத்தில் உள்ள வால் டவுன்ஷிப் உயர்நிலைப் பள்ளியில் ஆசிரியையாகப் பணியாற்றிய 37 வயதான ஜூலி ரிசிடெல்லோவுக்கு, தனது பள்ளி மாணவர்களைப் பாலியல் ரீதியாகத் துன்புறுத்திய குற்றத்திற்காக 10 ஆண்டுகள் சிறைத்தண்டனை விதிக்கப்பட்டுள்ளது. ஜூலி தனது உயர்நிலைப் பள்ளியில் பயின்ற முதலாம் ஆண்டு மற்றும் மூன்றாம் ஆண்டு மாணவர்களுடன் பல மாதங்களாகத் திட்டமிட்டு நட்பாகப் பழகி, பின்னர் அவர்களைப் பாலியல் நடவடிக்கைகளில் ஈடுபடுத்தியுள்ளார். தனது வீடு, உள்ளூர் வாகன நிறுத்துமிடம், பிரிக் பகுதிக்கு அருகில் இருந்த கார் மற்றும் அவரது குடும்பத்திற்குச் சொந்தமான பெல்மார் பேகல் கடை ஆகிய இடங்களில் அந்தப் பதின்வயது மாணவர்களுடன் அவர் உடலுறவில் ஈடுபட்டதாக அரசுத் தரப்பு வழக்கறிஞர்கள் நீதிமன்றத்தில் ஆதாரங்களுடன் நிரூபித்துள்ளனர்.

இந்த வழக்கில் மான்மவுத் கவுண்டி வழக்கறிஞர் அலுவலகம் மற்றும் உள்ளூர் காவல்துறை நடத்திய விசாரணையில், ஜூலி 18 வயது மாணவர் ஒருவருடன் காரில் வைத்து உடலுறவில் ஈடுபட்டது வெளிச்சத்திற்கு வந்தது. இதுகுறித்து பள்ளி மாவட்ட ஊழியர் ஒருவர் காவல்துறைக்கு ரகசியத் தகவல் அளித்ததைத் தொடர்ந்து, கடந்த 2024 ஜூலை மாதம் ஜூலி கைது செய்யப்பட்டார். போலீஸ் விசாரணை வளையத்திற்குள் வந்த பிறகும், ஜூலி பாதிக்கப்பட்ட இரு மாணவர்களையும் சட்டவிரோதமாகத் தொடர்புகொண்டு, அவர்களது மொபைல் மற்றும் கணினிகளில் இருந்த குற்ற ஆதாரங்களை அழிக்குமாறு மிரட்டியுள்ளார். மேலும், இந்த விவகாரத்தால் உருவான ஒரு கருவைக் கலைக்கவும் அவர் நிர்ப்பந்திக்கப்பட்டுள்ளார் என்பது விசாரணையில் அம்பலமாகி பெரும் அதிர்ச்சியை ஏற்படுத்தியுள்ளது.

நீதிமன்றத் தீர்ப்பின்படி, மாநிலச் சிறையில் 10 ஆண்டுகள் தண்டனை அனுபவிப்பதுடன், ஜூலி வாழ்நாள் முழுவதும் ஒரு பாலியல் குற்றவாளியாக (Sex Offender) பதிவு செய்யப்பட்டுச் சட்ட அமலாக்கத் துறையின் கண்காணிப்பில் இருக்க வேண்டும் என்று நீதிபதி உத்தரவிட்டுள்ளார். இத்தீர்ப்பின் மூலம் அவர் தனது ஆசிரியர் பதவியை நிரந்தரமாக இழக்கிறார். மேலும், பாதிக்கப்பட்ட மாணவர்களை எவ்விதத்திலும் தொடர்பு கொள்ளக் கூடாது என்றும், அவர் வாழ்நாள் முழுவதும் கடுமையான பரோல் கண்காணிப்பில் (Parole Supervision for Life) வைக்கப்பட வேண்டும் என்றும் நீதிமன்றம் தனது அதிரடித் தீர்ப்பில் உத்தரவிட்டுள்ளது.