“இனி MATHS ல நீங்க தான் BOSS” டிரிக்னோமெட்ரியை தெறிக்கவிட்ட மெக்கானிக்கல் இன்ஜினியர்… இவ்வளவு ஈஸியா..? இணையத்தை ஆக்கிரமிக்கும் வைரல் வீடியோ…!!

மெக்கானிக்கல் இன்ஜினியரிங் படித்த ஒரு இளைஞர், நடைமுறை வாழ்வில் கணிதம் (Trigonometry) எவ்வாறு பயன்படுகிறது என்பதை மிகவும் சுவாரசியமாகவும் எளிமையாகவும் விளக்கும் வீடியோ ஒன்று சமூக வலைதளங்களில் வைரலாகி வருகிறது. பொதுவாக கணிதப் பாடங்கள் என்றாலே பலருக்கும் கசக்கும் நிலையில், ‘சைன்’ (Sin), ‘காஸ்’ (Cos) போன்ற கோண அளவுகளைப் பயன்படுத்தி ஒரு பொருளின் நீளம் அல்லது உயரத்தை எப்படித் துல்லியமாகக் கணக்கிடலாம் என்பதை அவர் நேரடி உதாரணங்களுடன் விளக்கிய விதம் பலரையும் கவர்ந்துள்ளது.

இந்த வீடியோவில் அந்த இளைஞர், ஒரு இரும்புத் தகடு அல்லது இயந்திரப் பாகத்தைச் சரியான கோணத்தில் வெட்டுவதற்கு முக்கோணவியல் சூத்திரங்கள் எப்படி உதவுகின்றன என்பதை ஒரு ‘மெக்கானிக்’ பாணியில் விளக்குகிறார். “பள்ளியில் படிக்கும்போது இதெல்லாம் எதற்கு என்று நினைத்திருப்போம், ஆனால் வேலையிடத்தில் இதுதான் நமக்குச் சோறு போடுகிறது” என்ற ரீதியில் அவர் பேசும் யதார்த்தமான வரிகள் இன்ஜினியரிங் மாணவர்களிடையே பெரும் வரவேற்பைப் பெற்றுள்ளன.

கடினமான பாடங்களையும் ஆர்வத்துடன் கற்றால் அவை நம் வாழ்க்கையை எளிதாக்கும் என்பதை இந்த வீடியோ உணர்த்துகிறது. “சஜ்ஜன் புருஷ்” (Sajjan Purush) என்ற பெயரில் பகிரப்பட்டு வரும் இந்த வீடியோவைப் பார்த்த நெட்டிசன்கள், “இவரைப் போல ஒரு ஆசிரியர் இருந்திருந்தால் நான் கணிதத்தில் மேதையாகியிருப்பேன்” என்றும், “புத்தகப் புழுவாக இல்லாமல் இதுதான் உண்மையான கல்வி” என்றும் பாராட்டி வருகின்றனர்.