அதிர்ச்சி கிளப்பிய டிரம்ப்… “8 போர்களை நிறுத்தினேன்… எனக்கு நோபல் பரிசு எங்கே?”… நோபல் பரிசுக்காக டிரம்ப் போட்ட புதிய கணக்கு… வெடித்த சர்ச்சை…!!

அமெரிக்க அதிபர் டொனால்ட் டிரம்ப், சர்வதேச அளவில் எட்டு போர்களை முடிவுக்குக் கொண்டுவந்ததன் மூலம் அமைதிக்கான நோபல் பரிசுக்குத் தான் முழுத் தகுதியுடையவர் எனத் தெரிவித்துள்ளார். வெள்ளை மாளிகையின் ஓவல் அலுவலகத்தில் செய்தியாளர்களிடம் பேசிய அவர், வரலாற்றில் வேறு எந்த நாட்டின் தலைவரும் செய்யாத பெரும் சாதனையைத் தாம் நிகழ்த்தியுள்ளதாகவும், தமக்கு இந்தப் பரிசு வழங்கப்படாவிட்டால் அது நோபல் தேர்வுக் குழுவிற்கே அவப்பெயராக முடியும் என்றும் அழுத்தமாகக் குறிப்பிட்டார்.

கடந்த காலங்களில் பல்வேறு மோதல்களைத் தவிர்த்தது, பிணைக் கைதிகளை மீட்டது மற்றும் வர்த்தக வரி அச்சுறுத்தல்களைப் பயன்படுத்தி ரத்தக் களரியைத் தடுத்தது ஆகியவற்றைப் பட்டியலிட்ட டிரம்ப், தமக்கு முன்னால் அதிபராக இருந்த பராக் ஒபாமா பதவியேற்ற தொடக்கத்திலேயே எவ்வித பெரிய செயல்பாடும் இன்றி நோபல் பரிசைப் பெற்றதாக விமர்சித்தார். மேலும், கடந்த ஆண்டு அமைதிக்கான நோபல் பரிசு பெற்ற வெனிசுலா எதிர்க்கட்சித் தலைவர் மரியா கொரினா மச்சாடோ, டிரம்ப் அளவுக்கு இப்பரிசுக்கு யாரும் தகுதியானவர்கள் இல்லை என்று கூறி தமக்கு மரியாதை செலுத்தியதையும் அவர் நினைவுகூர்ந்தார்.

அமைதிக்கான நோபல் பரிசு அறிவிக்கப்பட உள்ள சூழலில் டிரம்பின் இந்த அதிரடி கருத்துக்கள் சர்வதேச அளவில் தீவிர விவாதத்தை ஏற்படுத்தியுள்ளன. போர்களைத் தடுத்து நிறுத்தியதாக அவர் முன்வைக்கும் வாதங்களை ஒரு தரப்பினர் பாராட்டினாலும், இந்தியா-பாகிஸ்தான் உள்ளிட்ட சில விவகாரங்களில் அவர் உரிமை கோரிய மத்தியஸ்த பங்களிப்பை சம்பந்தப்பட்ட நாடுகள் மறுத்திருப்பதையும், உண்மை சரிபார்ப்பாளர்கள் அவரது புள்ளிவிவரங்களை விமர்சித்து வருவதையும் உலக அரசியல் பார்வையாளர்கள் சுட்டிக்காட்டுகின்றனர்.