மைதானத்தில் விராட் கோலி குடித்தது என்ன..? “ஒருவேளை அதுவா இருக்குமோ” நெட்டிசன்களை குழப்பத்தில் ஆழ்த்திய வைரல் வீடியோ…!!

இந்தூரில் உள்ள ஹோல்கர் மைதானத்தில் இந்தியா மற்றும் நியூசிலாந்து அணிகளுக்கு இடையே நடைபெற்ற இறுதி ஒருநாள் போட்டியின் போது, இந்திய அணியின் நட்சத்திர வீரர் விராட் கோலி மைதானத்தின் நடுவில் ஒரு மர்மமான திரவத்தைக் குடித்த வீடியோ சமூக ஊடகங்களில் வெளியாகி வைரலாகி வருகிறது. இந்தப் போட்டியில் விராட் கோலி தனது 54வது ஒருநாள் சதத்தை அடித்ததால், அந்த வீடியோ மேலும் கவனத்தைப் பெற்றது.

வைரலான வீடியோவில், விராட் கோலி ஒரு பழுப்பு நிற திரவத்தைக் குடித்துவிட்டு முகம் சுளிப்பதும், பின்னர் ஒரு வாழைப்பழத்தைச் சாப்பிட்டு, சுவை பிடிக்காததால் மற்றொரு பானத்தைக் குடிப்பதும் பதிவாகியுள்ளது. அவர் குடித்த அந்தத் திரவம் என்ன என்பதை அறிய இணையவாசிகள் மிகுந்த ஆர்வம் காட்டினர். சிலர் அது “ரம்” அல்லது மதுபானம் என்று நகைச்சுவையாகக் கருத்துத் தெரிவிக்க, பல பயனர்கள் அது உடனடி ஆற்றலுக்கான ‘பிக்கிள் ஜூஸ்’  என்றும், இது தசைப்பிடிப்பைத் தவிர்க்க உதவும் என்றும் விளக்கமளித்துள்ளனர். இது ஒரு ஆற்றல் பானமாக இருக்கலாம் என்றும் விவாதங்கள் நடைபெற்று வருகின்றன.