“என் ரோடு.. என் ரூல்ஸ்..” விபத்தை ஏற்படுத்திவிட்டு கார் ஓட்டுநரை தாக்க முயன்ற பைக் ஓட்டுநர்… வைரலாகும் வீடியோவால் பரபரப்பு..!!

Spread the love

பெங்களூரு வீதிகளில் போக்குவரத்து விதிமுறைகளை மீறியதோடு மட்டுமல்லாமல், “என் பைக், என் விதிகள், என் சாலை” என ஆக்ரோஷமாகப் பேசிய பைக் ஓட்டுநரின் வீடியோ சமூக வலைதளங்களில் வைரலாகி வருகிறது. சிக்னலைத் தாண்டிச் சென்று ஒரு காரின் மீது மோதிய அந்த நபர், அதற்காக வருத்தம் தெரிவிக்காமல் கார் ஓட்டுநரிடம் கடும் வாக்குவாதத்தில் ஈடுபட்டுள்ளார். இதனைத் தனது அலைபேசியில் பதிவு செய்த கார் ஓட்டுநரை நோக்கி, “இது என் சாலை, என் விருப்பம்” என விரோதத்துடன் பதிலளித்த பைக் ஓட்டுநர், ஒருகட்டத்தில் அவரை அறையவும் முயன்றுள்ளார்.

கார் கண்ணாடியை அச்சுறுத்தும் வகையில் தட்டி, தகாத சைகைகளைச் செய்த அந்த நபர், அங்கிருந்து தனது ஸ்கூட்டரை எடுத்துக்கொண்டு வேகமாகத் தப்பிச் சென்றுள்ளார். இந்த மோதல் தொடர்பான காட்சிகள் இணையத்தில் பரவி வரும் நிலையில், பொதுச் சாலையில் மற்றவர்களுக்கு ஆபத்தை விளைவிக்கும் வகையில் நடந்து கொண்ட அந்த நபரின் ஆக்ரோஷமான நடத்தைக்கு நெட்டிசன்கள் கடும் கண்டனம் தெரிவித்து வருகின்றனர். போக்குவரத்து விதிகளை மதிக்காத இத்தகைய நபர்கள் மீது காவல்துறை உரிய நடவடிக்கை எடுக்க வேண்டும் என்ற கோரிக்கையும் வலுத்துள்ளது.