“அந்தப் பொண்ண கூட்டிட்டு வா…. ஆனா ஒரு கண்டிஷன்…” செக் வைத்த தாய்…. வெற்றிமாறனை காப்பாற்றிய பாலு மகேந்திரா..!!

தமிழ் சினிமாவில் முன்னணி இயக்குனராக வலம் வரும் வெற்றிமாறன் சினிமாக்கு வந்தது எப்படி? என்று அவரது தாயார் மேகலா சித்திரைவேல் கூறியுள்ளார். பிரபல இயக்குனர் பாலு மகேந்திராவின் சிஷ்யனான வெற்றிமாறன், கடந்த 2007 ஆம் ஆண்டு தனுஷ் நடிப்பில் வெளியான “பொல்லாதவன்” படத்தின் மூலம் பிரபலமானார். மேலும் ஆடுகளம், வடசென்னை, அசுரன், விடுதலை போன்ற பிரபல வெற்றி திரைப்படங்களை இயக்கியுள்ளார்.

அவரது தாயார் மேகலா சமீபத்தில் பிரபல youtube சேனலுக்கு பேட்டி அளித்துள்ளார். அதில், நான் கிச்சனில் சமைத்துக் கொண்டிருக்கும் பொழுது, வெற்றிமாறன் வந்து ஒரு பெண்ணை காதலிப்பதாக கூறினார். அவர் பெயர் ஆர்த்தி, நல்ல பெண், உங்களைப் போலவே இருப்பார் என்றார். உடனே நான், “அந்தப் பெண்ணை அழைத்து வா” என்று கூறினேன். அதேபோல் வெற்றிமாறனும் அழைத்து வந்து நிலையில், குடும்பத்தினரும் சம்மதித்தனர். ஆனால் நான் பெண்ணின் வீட்டில் ஒப்புக் கொண்டால் திருமணம் செய்து வைக்கிறோம் என்று கூறியிருந்தேன்.

இந்நிலையில் ஆர்த்தியின் அப்பா, அம்மா வீட்டுக்கு வந்து பேசினார்கள். இருப்பினும் அவர்களுக்கு சிறிது தயக்கம் இருந்தது, பின் இயக்குனர் பாலு மகேந்திரா வந்து இதுபோல, ஒரு பையன் கிடைக்காது நம்பி பொண்ணு குடுங்க என்று கூறியதும், இரு வீட்டாரின் சம்மதத்துடன் திருமணம் நடைபெற்றது. திருமணத்தின் போது வெற்றிமாறன் தாலி கட்ட மாட்டேன் என்று மறுத்த நிலையில், அவரது தாயார் கூறியதால் தாலி கட்ட ஒப்புக்கொண்டார். மேலும் தனது தாய் கையிலே தாலியை வாங்கி, ஆர்த்திக்கு கட்டினார் என தெரியவந்தது. தற்பொழுது இவர்களுக்கு இரண்டு குழந்தைகள் உள்ளனர்.