“கிழிக்கவும் முடியாது.. நனையவும் செய்யாது…” பிளாஸ்டிக் ரூபாய் நோட்டுகளால் பண சந்தையில் வரப்போகும் பெரும் புரட்சி…. ரிசர்வ் வங்கியின் மாஸ் பிளான்…!

இந்திய ரிசர்வ் வங்கியின் நோட்டு அச்சடிக்கும் பிரிவான ‘பாரதிய ரிசர்வ் பேங்க் நோட் முத்ரன் பிரைவேட் லிமிடெட்’, இந்தியாவில் பிளாஸ்டிக் அல்லது பாலிமர் ரூபாய் நோட்டுகளை அச்சிடுவதற்கான முதற்கட்ட பணிகளைத் தொடங்கியுள்ளது. இதற்காக, சர்வதேச அளவில் நவீன பாதுகாப்பு அம்சங்களுடன் கூடிய பாலிமர் தாள்களை வழங்கிட தகுதியுள்ள உலகளாவிய நிறுவனங்களிடமிருந்து விண்ணப்பங்களை ரிசர்வ் வங்கி வரவேற்றுள்ளது. இந்தத் திட்டம் முழுமையாகச் செயல்பாட்டிற்கு வரும் பட்சத்தில், இந்தியாவில் வழக்கமாகப் புழக்கத்தில் உள்ள காகித நோட்டுகளுக்குப் பதிலாக முற்றிலும் பிளாஸ்டிக் கரன்சிகள் மக்களின் பயன்பாட்டிற்கு வரும். முன்னதாக கடந்த 2014-15 ஆம் ஆண்டிலேயே கொச்சி, ஜெய்ப்பூர் உள்ளிட்ட ஐந்து முக்கிய நகரங்களில் பத்து ரூபாய் பிளாஸ்டிக் தாள்களைச் சோதனை முறையில் புழக்கத்தில் விட ஆர்பிஐ திட்டமிட்டிருந்தது குறிப்பிடத்தக்கது.

நாட்டின் மிக முக்கியமான பொருளாதாரப் பாதுகாப்புடன் தொடர்புடையது என்பதால், இந்தத் டெண்டரில் விண்ணப்பிக்கும் வெளிநாட்டு நிறுவனங்களுக்கு இந்திய அரசிடமிருந்து உரிய பாதுகாப்பு அனுமதி பெற வேண்டும் என்பது உள்ளிட்ட பல கடுமையான நிபந்தனைகள் விதிக்கப்பட்டுள்ளன. குறிப்பாக, இந்த நோட்டுகளுக்கான மூலப்பொருட்கள் சீனா அல்லது பாகிஸ்தான் ஆகிய நாடுகளிலிருந்து பெறப்பட்டதாக இருக்கக் கூடாது என்றும், இந்தியாவுக்காகத் தயாரிக்கப்படும் இந்த பிரத்யேகப் பொருட்களை வேறு எந்தவொரு மூன்றாம் நாட்டிற்கும் விற்கக் கூடாது என்றும் ஆர்பிஐ திட்டவட்டமாகக் கூறியுள்ளது. வழக்கமான தாள்களை விட 3 மடங்கு அதிக உழைப்பு, அழுக்கு மற்றும் கிருமிகள் ஒட்டாமை, கள்ள நோட்டுகளை உருவாக்குவது மிகக் கடினம் மற்றும் சேதமடைந்த தாள்களை முழுமையாக மறுசுழற்சி செய்யும் வசதி போன்ற பல நன்மைகள் இந்த பிளாஸ்டிக் நோட்டுகளில் நிறைந்துள்ளன.