உஷார்..! உணவில் தூக்கமாத்திரை கலந்த வேலைக்காரி… வீட்டில் நடந்த பயங்கரத்தை சிசிடிவியில் பார்த்த கணவர்… பதறவைக்கும் சம்பவம்…!!

நேபாளத்தைச் சேர்ந்த மனிஷா என்ற பெண், பஞ்சாப் மாநிலம் பாட்டியாலாவில் உள்ள ஒரு வீட்டில் வீட்டு வேலைக்காரியாகச் சேர்ந்துள்ளார். வெறும் 16 நாட்களில் அந்தத் தம்பதியினரின் நன்மதிப்பைப் பெற்ற அவர், அவர்களைத் தனது “குழந்தைகள் போன்றவர்கள்” என்று கூறி குடும்பத்தில் ஒருவராக மாறியுள்ளார். ஒரு நாள் இரவு உணவின் போது, மனிஷா ரகசியமாக உணவில் தூக்க மாத்திரைகளைக் கலந்துள்ளார். உணவை உண்ட குடும்பத்தினர் ஆழ்ந்த மயக்கத்திற்குச் சென்றவுடன், வெளியே காத்திருந்த தனது கூட்டாளிகள் மூன்று பேருக்கு அவர் சிக்னல் கொடுத்துள்ளார்.

அவர்கள் வீட்டின் மொட்டை மாடி வழியாக உள்ளே நுழைந்துள்ளனர். இந்தச் சம்பவத்தின் போது வீட்டின் உரிமையாளர் சுமார் 800 மைல்கள் தொலைவில் பெங்களூருவில் இருந்துள்ளார். எதிர்பாராதவிதமாக அவர் நள்ளிரவில் தனது செல்போன் மூலம் வீட்டின் பாதுகாப்பு கேமரா (CCTV) காட்சிகளைச் சரிபார்த்துள்ளார். அப்போது, மனிஷா சந்தேகத்திற்கிடமான முறையில் வீட்டின் இருட்டில் நடமாடுவதையும், மர்ம நபர்கள் உள்ளே நுழைவதையும் கண்டு அதிர்ச்சியடைந்தார்.