“அய்யோ.. வேண்டாம்!”… வந்தே பாரத் ரயிலின் வேகம்… நொடிப் பொழுதில் பறிபோன 20 வயது இளம்பெண்ணின் உயிர்… கதறிய பெற்றோர்…!!

ஹைதராபாத்தில் உள்ள மௌலா அலி ரயில் நிலையத்தில் தண்டவாளத்தைக் கடக்க முயன்ற 20 வயது இளம்பெண் அதிவேக ரயில் மோதி பரிதாபமாக உயிரிழந்தார். ஜங்காவ் பகுதியைச் சேர்ந்த மானசா என்ற அந்தப் பெண், தனது பெற்றோருடன் கோல்கொண்டா எக்ஸ்பிரஸ் ரயிலில் பயணம் செய்து மௌலா அலி நிலையத்தை வந்தடைந்தார். ரயிலில் இருந்து இறங்கிய பிறகு, அவர்கள் நிலையத்தின் வெளியே செல்வதற்காக நடந்து சென்று கொண்டிருந்தனர்.

அப்போது, இரண்டாவது நடைமேடையில் இருந்து முதல் நடைமேடைக்குச் செல்வதற்காகப் படிக்கட்டுகளைப் பயன்படுத்தாமல், மானசா நேரடியாகத் தண்டவாளத்தின் குறுக்கே நடந்து கடக்க முயன்றுள்ளார். அந்த சமயத்தில் செகந்திராபாத் நோக்கி அதிவேகமாக வந்த வந்தே பாரத் ரயில் அவர் மீது பயங்கரமாக மோதியது. இந்த எதிர்பாராத கோர விபத்தில் தூக்கி வீசப்பட்ட அவர் சம்பவ இடத்திலேயே பரிதாபமாக உயிரிழந்தார். இதையடுத்து, அவரது உடல் மீட்கப்பட்டு பிரேத பரிசோதனைக்காக காந்தி மருத்துவமனைக்கு அனுப்பி வைக்கப்பட்டது.