விடியற்காலை 3:45-க்கு ரூ.11 லட்சம் முதலீடு… தூக்கத்தில் கோடீஸ்வரர் கனவு.. கண் விழித்தபோது காணாமல் போன லட்சங்கள்… ஊரே பேசும் வினோத மோசடி…!!!

மகாராஷ்டிராவின் புனே நகரில் ஒரு வினோதமான மற்றும் அதிர்ச்சியூட்டும் மோசடி சம்பவம் நடந்துள்ளது. அதிகாலை சுமார் 3:45 மணியளவில், ஒரு நபர் பங்குச்சந்தையில் லாபம் ஈட்டும் ஆசையில் சுமார் 11 லட்சம் ரூபாயை ஆன்லைன் தளம் மூலம் முதலீடு செய்தார். பணத்தை முதலீடு செய்த திருப்தியில் அவர் நிம்மதியாக உறங்கச் சென்றார். ஆனால், காலையில் எழுந்து பார்த்தபோது அவருக்குப் பேரதிர்ச்சி காத்திருந்தது.

மேலும் அவர் முதலீடு செய்த ஆப் முடக்கப்பட்டிருந்ததுடன், அவரது வங்கி கணக்கிலிருந்து முதலீடு செய்த மொத்தப் பணமும் மாயமாகி இருந்தது. இந்தச் சம்பவம் அந்தப் பகுதி முழுவதும் பெரும் பரபரப்பை ஏற்படுத்தியுள்ளது. ஆன்லைன் வர்த்தகம் மற்றும் பங்குச்சந்தை முதலீடு என்ற பெயரில் நடக்கும் மோசடிகள் குறித்து காவல்துறையினர் பொதுமக்களை எச்சரித்துள்ளனர்.

இந்நிலையில் அறிமுகமில்லாத நபர்கள் தரும் ஆலோசனைகளை நம்பி, அங்கீகரிக்கப்படாத செயலிகளில் பணத்தைச் செலுத்த வேண்டாம் என்று அதிகாரிகள் கேட்டுக் கொண்டுள்ளனர். தூக்கத்திலிருந்து எழுவதற்குள் லட்சக்கணக்கான ரூபாயை இழந்த அந்த நபரின் நிலை, டிஜிட்டல் முதலீடுகளில் எவ்வளவு ஜாக்கிரதையாக இருக்க வேண்டும் என்பதற்கு ஒரு கசப்பான பாடமாக அமைந்துள்ளது.