“ஆல் ஏரியாவுலயும் அண்ணன் கில்லி டா”…. ரீ – ரிலீசில் புதிய சாதனை படைத்த ‘கில்லி’ திரைப்படம்…

தமிழ் சினிமாவின் முன்னணி நடிகர்களில் ஒருவராக வலம் வருபவர் நடிகர் விஜய். தனக்கென மாபெரும் ரசிகர் கூட்டத்தையே வைத்துள்ளார் விஜய். இந்த பேரும், புகழும் ஒரே நாளிலோ, அல்லது ஒரே படத்திலோ வந்தது இல்லை. பல்வேறு வெற்றி படங்கள், தோல்வி படங்கள் என அனைத்தையும் தாண்டி இந்த இடத்திற்கு வந்துள்ளார் விஜய்.

விஜய்யின் வெற்றிப்படங்களில் மிகவும் முக்கியமான படம் கில்லி. இயக்குனர் தரணி இயக்கத்தில் விஜய், த்ரிஷா, பிரகாஷ்ராஜ் நடிப்பில் வெளியாகி மாபெரும் வெற்றிபெற்ற திரைப்படம் கில்லி. இந்த படத்தில் பிரகாஷ்ராஜ் பேசிய வசனங்கள் இன்று வரை பிரபலம். நடிப்பு, நடனம், நகைச்சுவை என தனது திறைமைகளை பல விதங்களில் நடிகர் விஜய் இந்த படத்தில் காட்டியிருப்பார்.

இப்படம் தெலுங்கில் மகேஷ் பாபு நடிப்பில் ‘ஒப்பு டு’ என்ற தலைப்பில் வெளியாகிய சக்க போடு போட்டது. தமிழில் இப்படத்திற்கு வித்யாசாகர் இசையமைத்திருந்தார்.  இத்திரைப்படத்தில் இடம்பெற்ற அனைத்து பாடல்களும் சூப்பர் ஹிட் அடித்தது. இப்படத்தில் பிரகாஷ்ராஜ் அவர்கள் “செல்லம் I Love you” என்ற வசனம் மிகப் பெரிய அளவில் பேசப்பட்டு வந்தது.

சமீபத்தில் இப்படத்தை வரும் ஏப்ரல் மாதம் திரையரங்குகளில்  ரீ ரிலீஸ் செய்யப் போவதாக அறிவித்திருந்தனர். தற்பொழுது இதற்கான முன்பதிவுகளும் தொடங்கி விட்டதாம். இதுகுறித்து ரோகிணி திரையரங்க உரிமையாளர் கூறியிருப்பதாவது, அதாவது கில்லி திரைப்படம் மறுவெளியீட்டில் புதிய சாதனை படைத்துள்ளது. இந்தாண்டின் ரீ ரிலீஸ் செய்யப்பட்ட படங்களில் அதிகமான முன்பதிவு செய்யப்பட்ட படமாக கில்லி திரைப்படம் அமைந்துள்ளதாம்.  எனவே இத்திரைப்படத்தை திரையரங்குகளில் மீண்டும் காண ரசிகர்கள் பெரும் ஆவலாக காத்துக் கொண்டிருப்பதை நாம் இதன்மூலம் தெரிந்து கொள்ளலாம்.