“6% வாக்குகள் அல்லது 2 இடங்கள்”… விஜய்க்கு காத்திருக்கும் அக்னிப் பரீட்சை…. தேர்தல் ஆணையம் போட்ட ‘செக்’….!

தமிழக வெற்றிக் கழகத்தின் தலைவராக விஜய் அறிவிக்கப்பட்ட பிறகு, அக்கட்சிக்கு இந்திய தேர்தல் ஆணையம் விசில் சின்னத்தை ஒதுக்கியுள்ளது. இருப்பினும், இது தற்போது ஒரு தற்காலிகச் சின்னம் மட்டுமே. ஒரு அரசியல் கட்சி மாநில அளவில் நிரந்தரமான அங்கீகாரத்தையும், ஒரு நிலையான சின்னத்தையும் பெறுவதற்கு இந்திய தேர்தல் ஆணையம் சில கடுமையான நிபந்தனைகளை விதித்துள்ளது. இந்த விதிகளைப் பூர்த்தி செய்வதன் மூலமே ஒரு கட்சி ‘பதிவு செய்யப்பட்ட கட்சி’ என்ற நிலையிலிருந்து ‘அங்கீகரிக்கப்பட்ட மாநில கட்சி’ என்ற நிலைக்கு உயர முடியும்.

சின்னம் நிரந்தரமாக மாற வேண்டுமெனில், வரவிருக்கும் சட்டமன்றத் தேர்தலில் தவெக சில முக்கிய இலக்குகளை எட்ட வேண்டும். குறிப்பாக, அக்கட்சி மொத்தமாகப் பதிவாகும் வாக்குகளில் குறைந்தது 6 சதவீத வாக்குகளைப் பெறுவதுடன், குறைந்தபட்சம்  வெற்றி பெற வேண்டும். அல்லது, நாடாளுமன்றத் தேர்தலில் 6 சதவீத வாக்குகளுடன் ஒரு நாடாளுமன்ற இடத்தையாவது கைப்பற்ற வேண்டும். இந்த நிபந்தனைகளை நிறைவு செய்யும் பட்சத்தில், அக்கட்சிக்கு மாநிலக் கட்சி என்ற அந்தஸ்து வழங்கப்பட்டு, ‘விசில்’ சின்னம் நிரந்தரமாக ஒதுக்கப்படும்.

ஒருவேளை, நிர்ணயிக்கப்பட்ட இந்த வாக்கு சதவீதத்தையோ அல்லது இடங்களையோ தவெக கைப்பற்றத் தவறினால், அக்கட்சிக்கு வழங்கப்பட்டுள்ள தற்காலிக அங்கீகாரம் மற்றும் சின்னம் பறிக்கப்படவும் வாய்ப்புள்ளது. இது போன்ற சூழலில், அடுத்தடுத்த தேர்தல்களில் ஒவ்வொரு முறையும் புதிய சின்னத்திற்கு விண்ணப்பிக்க வேண்டிய கட்டாயம் ஏற்படும். எனவே, 2026 சட்டமன்றத் தேர்தல் என்பது விஜய்யின் தவெக கட்சிக்கு வெறும் வெற்றித் தோல்விக்கான களம் மட்டுமல்ல, அக்கட்சியின் அடையாளமான ‘விசில்’ சின்னத்தைத் தக்கவைத்துக் கொள்வதற்கான ஒரு முக்கியமான போராட்டமாகவும் அமையும்.