“பாதுகாக்க வேண்டியவரே இப்படியா…?” ஹாக்கி வீராங்கனையை கர்ப்பமாக்கிய பயிற்சியாளர்… 17 வயது சிறுமிக்கு நேர்ந்த கொடுமை… பகீர் சம்பவம்…!!

அரியானா மாநிலம் ரேவாரி மாவட்டத்தில், விளையாட்டு வீராங்கனைகளுக்குப் பாதுகாப்பு இல்லாத சூழலை வெளிப்படுத்தும் விதமாக ஒரு அதிர்ச்சி சம்பவம் நடந்துள்ளது. கடந்த மூன்று ஆண்டுகளாக ஹாக்கி பயிற்சி பெற்று வந்த 17 வயது சிறுமியை, அவரது பயிற்சியாளரே மைதானத்தில் உள்ள கழிவறையில் வைத்து பாலியல் வன்கொடுமை செய்துள்ளார். இந்த கொடூர செயலால் அந்தச் சிறுமி கர்ப்பமான நிலையில், கடந்த 5-ம் தேதி அவருக்குத் திடீரென கருக்கலைப்பு ஏற்பட்டு உடல்நலம் குன்றியதால் மருத்துவமனையில் அனுமதிக்கப்பட்டார்.

பாதிக்கப்பட்ட சிறுமி அளித்த துணிச்சலான புகாரின் அடிப்படையில், காவல்துறையினர் அந்தப் பயிற்சியாளரை நேற்று கைது செய்தனர். அவர் மீது போக்சோ சட்டத்தின் கீழ் வழக்குப் பதிவு செய்யப்பட்டுள்ள நிலையில், அவரை இரண்டு நாட்கள் காவலில் எடுத்து விசாரிக்க நீதிமன்றம் அனுமதி வழங்கியுள்ளது. தேசிய அளவில் பயிற்சியாளர்கள் மீது இது போன்ற புகார்கள் தொடர்ந்து வருவது விளையாட்டுத் துறையில் பெரும் பரபரப்பையும், பெண் வீராங்கனைகளின் பாதுகாப்பு குறித்த அச்சத்தையும் ஏற்படுத்தியுள்ளது.