“மேடையிலேயே இப்படி ஒரு பேச்சா?”… மாதவிடாய் காலத்தில் படப்பிடிப்பு… பலரும் பேச பயப்படும் விஷயத்தை தைரியமாக பேசிய ஸ்ரீலீலா…!!!

தென்னிந்தியத் திரையுலகில் முன்னணி நடிகையாக வளர்ந்து வரும் ஸ்ரீலீலா, சமீபத்தில் ஒரு பொது நிகழ்ச்சியில் மாதவிடாய் குறித்து வெளிப்படையாகப் பேசியது சமூக வலைதளங்களில் பெரும் பாராட்டைப் பெற்று வருகிறது. பெண்கள் பொதுவாக வெளியே பேசத் தயங்கும் மாதவிடாய் காலக் கட்டுப்பாடுகள் குறித்து பேசிய அவர், மாதவிடாயை ஒரு தடையாகப் பார்க்க வேண்டிய அவசியமில்லை என்று வலியுறுத்தினார்.

மேலும் தனது சொந்த அனுபவத்தைப் பகிர்ந்துகொண்ட ஸ்ரீலீலா, பல வெற்றிப் பாடல்களுக்குத் தான் மாதவிடாய் காலத்திலேயே நடனமாடியதாகத் தெரிவித்து, உடல்நிலை காரணங்களைக் காட்டி பெண்கள் தங்கள் திறமைகளையும் கனவுகளையும் முடக்கிக் கொள்ளக் கூடாது என்ற நேர்மறையான செய்தியைத் தெளிவுபடுத்தினார்.

இதனால் சமத்துவம் குறித்துப் பேசும் இன்றைய காலக்கட்டத்தில், மாதவிடாய் தொடர்பான தேவையற்ற தயக்கங்களையும் மனத் தடைகளையும் உடைக்க வேண்டியது அவசியம் என்று அவர் சுட்டிக்காட்டினார். இளம் தலைமுறை நடிகை ஒருவர் இத்தகைய சமூக முக்கியத்துவம் வாய்ந்த விஷயத்தை மிகவும் துணிச்சலுடனும் தெளிவுடனும் பேசியிருப்பது பலருக்கும் ஊக்கமளிப்பதாக அமைந்துள்ளது.