தப்பாட்டம் போஸ்டரை பகிர்ந்த எலான் மஸ்க்.. வேர்ல்ட் லெவலில் ஃபேமஸான துரை சுதாகர்.. காட்சியை ரிகிரியேட் செய்த வைரல் வீடியோ..!

தப்பாட்டம் போஸ்டரை பகிர்ந்து உலகம் முழுவதும் பிரபலமாக்கியதற்கு அப்படத்தின் நடிகர் துரை சுதாகர் எலான் மஸ்க்குக்கு நன்றி தெரிவித்திருக்கின்றார்.

டெஸ்லா நிறுவனத்தின் அதிபரான எலான் மஸ்க் தனது எக்ஸ் தளத்தில் தமிழ் திரைப்படமான தப்பாட்டம் படத்தின் ஒரு காட்சியை வைத்து உருவாக்கப்பட்ட மீமை பகிர்ந்திருக்கின்றார். இது உலகம் முழுவதும் பிரபலமாகி இருக்கின்றது. இது குறித்து அப்படத்தில் நடித்த நடிகர் துரை சுதாகர் தெரிவித்திருந்ததாவது நான் களவாணி 2 திரைப்படத்தில் வில்லன் கதாபாத்திரத்தில் நடித்திருக்கின்றேன்.

எலான் மஸ்க் தன்னுடைய புகைப்படத்தை பகிர்ந்து என்னை உலகம் முழுவதும் பிரபலமாக்கிவிட்டார். இந்த புகைப்படம் உலக நாடுகள் முழுவதும் பரவி அங்கிருக்கும் தமிழ் மக்களும் மகிழ்ச்சியுடன் பார்த்து வருகிறார்கள். இது எனக்கு மிகுந்த சந்தோசத்தை கொடுத்திருப்பதாக அவர் தெரிவித்திருந்தார். எலான் மஸ்க் ஏற்கனவே இரண்டு பெரிய நிறுவனங்களான ஆப்பிள் மற்றும் ஓபன் ஏ ஐ நிறுவனங்களை சீண்டி கொண்டிருக்கின்றார்.

உலகளவில் பிரபலமாக இருக்கும் ஆப்பிள் நிறுவனம் தங்களது மேக் புக், ஐபோன். ஐபேட் போன்ற சாதனங்களில் ஓபன் ஏஐ டூள்களை இனி பயன்படுத்தலாம் என்று அந்த நிறுவனத்தின் சிஇஓ டீம் குக் தனது எக்ஸ் தளத்தில் பதிவிட்டிருந்தார். அதனை கண்டித்து எலான்மஸ்க் ட்விட் செய்திருந்தார். அதற்கு யாரோ ஒருவர் உருவாக்கிய மீம்ஸஸை எடுத்து எலான் மஸ்க் பகிர்ந்திருந்தார்.

அதாவது ஒரு இளநீரை படத்தின் நாயகி ஸ்ட்ரா வைத்து குடிக்க அதை நாயகன் கதாநாயகியின் வாயிலிருந்து ஒரு ஸ்ட்ரா வைத்து குடிக்கிறார். இந்த திரைப்படம் 2017 ஆம் ஆண்டு முஜிஃபர் ரஹ்மான் இயக்கத்தின் வெளியான தப்பாட்டம் படம். இதில் துரைசுதாகர் மற்றும் டோனோ ரவுசாலியோ நடித்திருப்பார்கள்.

இப்படத்தின் காட்சி தற்போது பரவி மிகப்பெரிய அளவில் வைரலாகி வருகின்றது. மேலும் சமீபத்தில் தனியார் நிறுவனத்திற்கு பேட்டி அளித்திருந்த துரைசுதாகர் அந்த படத்தில் எதார்த்தமாக நடித்த காட்சி எனவும் அதனை மீண்டும் ரீகிரியேட்டிவ் செய்திருக்கின்றார். இந்த வீடியோ தற்போது இணையத்தில் வெளியாகிய வைரலாகி வருகிறது.