தனது கடைசி படத்திற்கு தளபதி விஜய் கேட்ட சம்பளம்.. ஆடிப்போன தயாரிப்பாளர்..!

கடந்த சில வருடங்களாகவே விஜய் அரசியலில் களமிறங்குவார் என கூறப்பட்டு வந்தது. அதனை அவரே தற்போது அறிவித்து விட்டார். அதன்படி ‘தமிழக வெற்றி கழகம் ‘என்ற தனது அரசியல் கட்சியை அறிமுகம் செய்த விஜய், சினிமாவில் இருந்து விலகுவதாகவும் அறிவித்துவிட்டார். இதனால் தளபதி 69 தான் விஜய்யின் கடைசிப் படமாக உருவாகவுள்ளது.

தற்பொழுது இயக்குனர் வெங்கட் பிரபு இயக்கத்தில் ‘ தி கிரேட்டஸ்ட் ஆஃப் ஆல் டைம்’ படத்தில் நடித்து வருகிறார். இந்தப் படத்துக்கு ஆரம்பம் முதலே அதிக எதிர்பார்ப்பு இருந்தது. இப்போது விஜய் சினிமாவில் இருந்து விலகுவதாக அறிவித்துவிட்டதால் எதிர்பார்ப்பு இன்னும் அதி உச்சத்தில் உள்ளது. அதேபோல் தான் விஜய்யின் கடைசிப் படமான தளபதி 69 மீதும் ரசிகர்களின் எதிர்பார்ப்பு நாளுக்கு நாள் அதிகரித்து வருகிறது.

 

விஜய் அரசியலுக்கு வரவிருப்பதால் தளபதி 69 கண்டிப்பாக ‘பொலிட்டிக்கல் ஜானர்’ மூவியாக தான் இருக்கும் என எதிர்பார்க்கப்படுகிறது. அதேநேரம் இந்தப் படத்தின் இயக்குநர் தெலுங்கு சினிமாவின் முன்னணி இயக்குனர் த்ரிவிக்ரம் ஸ்ரீனிவாஸ் அவர்கள் என்றும் கூறப்படுகிறது. இந்நிலையில் தளபதி 69 படத்திற்கு தளபதி விஜய் கேட்டிருக்கும் சம்பளம் குறித்த தகவல்கள் தான் தற்பொழுது வைரலாக பேசப்பட்டு வருகிறது.

அதாவது, தளபதி 69 படத்துக்காக விஜய் அவர்கள் 200 கோடி சம்பளமாக கேட்டுள்ளாராம். ஏனெனில் இதுதான் அவரது கடைசி படம் என்பதால் ரசிகர்கள் கூட்டம் அள்ளும். அதனால் வசூலும் கூடும் என்பதால் தயாரிப்பாளர்களும் தர சம்மதித்து விட்டார்களாம். இதன்மூலம் இந்தியாவிலே அதிக சம்பளம் வாங்கும் நடிகர்களில் ஒருவராக மாறிவிட்டார் விஜய்.