என்னப்பா சொல்றீங்க.. ‘தளபதி 68’ இந்த ஹாலிவுட் படத்தோட ரீ மேக்கா..? அச்சச்சோ.. அதுல ஹீரோ கடைசியில செத்து போயிடுவாரே…

தமிழ் சினிமாவில் முன்னணி நடிகராக கொடி கட்டி பறந்து கொண்டிருப்பவர் தான் நடிகர் விஜய். இவரின் நடிப்பில் சமீபத்தில் ‘லியோ’ திரைப்படம் ரிலீசாகி ரசிகர்கள் மத்தியில் நல்ல வரவேற்பையும் வசூலில் சக்க போடும் போட்டு வருகிறது. அக்டோபர் 19ஆம் தேதி வெளியான இத்திரைப்படம் முதல் நாளே உலகம் முழுவதும் 148.5 கோடி வசூலித்து இதுவரை எந்த திரைப்படமும் செய்யாத சாதனையை நிகழ்த்தியது. இதைத்தொடர்ந்து தற்பொழுது வரை 600 கோடிக்கும் மேல் வசூலித்துள்ளது.

இந்த திரைப்படத்தை தொடர்ந்து வெங்கட் பிரபு இயக்கும் தளபதி 68 திரைப்படத்தின் விஜய் நடிக்க உள்ளார். ஏஜிஎஸ் நிறுவனம் தயாரிக்கும் இந்த திரைப்படதில் விஜய் – வெங்கட் பிரபு – யுவன் சங்கர் ராஜா கூட்டணி இணைகின்றனர். இத்திரைப்படத்தில் இதுவரை டபுள் ஆக்ஷனில் யாரும் செய்திடாத பல புதிய முயற்சிகளை எடுப்பதற்கு வெங்கட் பிரபு திட்டமிட்டுள்ளார்.

அதன்படி இத்திரைப்படத்தில் நடிகை சினேகா, நடிகை லைலா, நடிகர் மைக் மோகன், நடிகர் விடிவி கணேஷ், நடிகர் யோகி பாபு என பல திரைபிரபலங்கள் நடிக்க இருப்பதாக கூறப்பட்டுள்ளது. தளபதிக்கு ஜோடியாக நடிகை மீனாட்சி சவுத்ரி நடிக்க இருப்பதும் குறிப்பிடத்தக்கது. இந்நிலையில் தளபதி 68 திரைப்படத்தின் வேலைகள் மும்முரமாக நடைபெற்று வருகிறது. பல்வேறு நாடுகளுக்கு சென்று படக்குழு படப்பிடிப்பை தற்பொழுது நடத்தி வருகின்றனர்.

இந்நிலையில் தளபதி 68 திரைப்படம் குறித்து சுவாரசியமான தகவல் ஒன்று இணையத்தில் வெளியாகியுள்ளது. அதன்படி தளபதி 68 காலப்பயணம் Time Travel தொடர்பான திரைப்படம் என்று  கூறப்படுகிறது.  முக்கியமாக ஹாலிவுட்டில் வெளியான ‘லூப்பர் ‘என்கிற திரைப்படத்தின் ரீமேக்தான் தளபதி 68 என கூறப்படுகிறது. லூப்பர் படத்தின்படி இறுதியில் கதாநாயகன் இறப்பது போல படம் எடுக்கப்பட்டிருக்கும். ஆனால் இத்திரைப்படத்தில் இயக்குனர் வெங்கட் பிரபு கதையை எப்படி அமைத்துள்ளார் என்பதை நாம் பொறுத்திருந்தே பார்க்க வேண்டும்.