பிக்பாஸ் வீட்டில் இருந்து வெளியேறிய சுனிதா.. 35 நாட்களுக்கு மொத்தம் இத்தனை லட்சம் சம்பளமா..?

விஜய் டிவியில் மிகவும் பிரபலமான நிகழ்ச்சிகளில் ஒன்றான பிக் பாஸ் நிகழ்ச்சியின் எட்டாவது சீசன் தற்போது ஒளிபரப்பாகிக் கொண்டிருக்கும் நிலையில் இந்த சீசனை விஜய் சேதுபதி தொகுத்து வழங்கி வருகிறார். ஆரம்பத்தில் அவர் எப்படி தொகுத்து வழங்குவார் என்ற கவலை பிக் பாஸ் ரசிகர்களுக்கு இருந்த நிலையில் அட்டகாசமாக தொகுத்து வழங்கி வருகின்றார். போட்டியாளர்கள் யார் என்ன செய்தாலும் சுற்றி வளைத்து பேசுவது ரசிகர்களுக்கு மிகவும் பிடித்த இருப்பதால் ரசிகர்கள் அவரை பாராட்டி வருகின்றனர்.

பிக் பாஸ் வீட்டிற்கு கடந்த வாரம் வைல்டு கார்டு என்ட்ரி ஆக சிவக்குமார், மஞ்சரி, ரானவ், பிரியா மற்றும் வர்ஷினி வெங்கட், ரயான் ஆகிய ஆறு போட்டியாளர்கள் வந்த நிலையில் இந்த முறை ஓபன் ஆக நாமினேசன் நடைபெற்றது. அதில் அருண்பிரசாத், விஷால், சாச்சனா, தீபக், ரஞ்சித், ஜாக்குலின், பவித்ரா, சுனிதா, ஆர் ஜே ஆனந்தி மற்றும் முத்துக்குமரன் உள்ளிட்ட 11 பேர் டாமினேட் செய்யப்பட்டனர்.

இந்த வாரம் 6 பேர் வைல்டு கார்டில் உள்ளே வந்திருப்பதால் அவர்களை நாமினேட் செய்ய முடியாது என பிக் பாஸ் அறிவித்துவிட்டார்m அதனால் அவர்கள் ஆறு பேரும் லிஸ்டில் இருந்து தப்பித்து விட்டனர். இந்த நிலையில் மக்களின் வாக்குகள் அடிப்படையில் குறைந்த வாக்குகளை பெற்று பிக் பாஸ் வீட்டில் இருந்து சுனிதா வெளியேறினார்.

இதனை தொடர்ந்து தற்போது சுனிதா வாங்கிய சம்பளம் குறித்த தகவல் வெளியாகி உள்ளது. அதாவது சுனிதாவிற்கு ஒரு நாளுக்கு 20000 முதல் 25 ஆயிரம் ரூபாய் சம்பளமாக கொடுக்கப்பட்டுள்ளதாக கூறப்படும் நிலையில் சுனிதா 35 நாட்கள் பிக் பாஸ் வீட்டில் இருந்ததற்கு ஏழு முதல் எட்டு லட்சம் சம்பளம் பெற்றதாக கூறப்படுகிறது.