படிக்கிற வயதில் இப்படியா….? “கையில் கிளவுஸ்… தலைமை ஆசிரியையின் வீட்டுக்குள் புகுந்த மாணவர்கள்…” 4 லட்சத்திற்காக அரங்கேறிய கொடூரம்… பரபரப்பு சம்பவம்…!!

தெலுங்கானா மாநிலம் கொண்டமலேபள்ளியில் உள்ள நாகார்ஜுனா தனியார் பள்ளியின் முதல்வர் ரூபாரெட்டி என்பவர், அவரது வீட்டிற்குள் புகுந்த மர்ம நபர்களால் கத்தியால் குத்திக் கொடூரமாகப் படுகொலை செய்யப்பட்டார். இக்கொலை வழக்கு தொடர்பாக தீவிர விசாரணை நடத்தி வந்த போலீசார், இப்ராஹிம்பட்டணம் அருகே 3 பேரைக் கைது செய்துள்ளனர். கைது செய்யப்பட்டவர்களில் ஒருவர் அதே பள்ளியில் பயிலும் 10-ஆம் வகுப்பு மாணவன் என்பதும், மற்ற இருவர் அதே பள்ளியின் முன்னாள் மாணவர்கள் என்பதும் விசாரணையில் தெரியவந்தது போலிசாரை அதிர்ச்சியில் ஆழ்த்தியுள்ளது.

கொலையாளிகள் தடயம் மற்றும் கைரேகை சிக்காமல் இருக்கக் கைகளில் கிளவுஸ் அணிந்து வீட்டிற்குள் புகுந்து இக்கொடூரத்தைச் செய்துள்ளனர். சிசிடிவி காட்சிகளின் அடிப்படையில் சுமார் 80க்கும் மேற்பட்டோரிடம் விசாரணை நடத்திய போலிஸார், இறுதியில் மாணவர்களைக் கைது செய்தனர். வீட்லிருந்த 4 லட்சம் ரூபாய் பணத்திற்காக இக்கொலை நடந்ததா அல்லது வேறு ஏதேனும் பழிவாங்கும் உணர்ச்சி காரணமாக நடந்ததா என்ற கோணத்தில் போலீசார் தீவிரமாக விசாரணை நடத்தி வருகின்றனர்.