“தலைமுடி ஒரு கேடா? தேர்வு எழுத தடை”…. தேர்வறைக்கு வெளியே நின்ற மாணவர்கள்!… சிகை அலங்காரத்திற்காக இவ்வளவு பெரிய தண்டனையா?.. வைரலாகும் வீடியோ…!!!

மும்பை சார்னி ரோடு பகுதியில் உள்ள செயின்ட் தெரசா உயர்நிலைப் பள்ளியில், சிகை அலங்காரம் சரியாக இல்லை என்ற காரணத்திற்காக மாணவர்கள் தேர்வு எழுத அனுமதிக்கப்படாதது பெரும் அதிர்ச்சியை ஏற்படுத்தியுள்ளது. ஒழுக்கம் என்பது பள்ளிக்கூடங்களுக்கு மிக முக்கியமானது என்றாலும், ஒரு குழந்தையின் கல்வி உரிமையையும் அவர்களின் எதிர்காலத்தையும் விட ஒரு சிகை அலங்காரம் முக்கியமானது அல்ல.

மேலும் மாணவர்கள் நீண்ட காலமாகத் தயாராகி வரும் தேர்வுகளை எழுத விடாமல் தடுப்பது, அவர்கள் மீது தேவையற்ற மன அழுத்தத்தை உருவாக்குவதோடு, அவர்களின் கல்வி வளர்ச்சியைப் பாதிக்கும் ஒரு செயலாகும். பெற்றோர்கள் தங்கள் குமுறல்களை வெளிப்படுத்தி வரும் வேளையில், கல்வி நிறுவனங்கள் இத்தகைய சிறிய காரணங்களுக்காக மாணவர்களின் எதிர்காலத்தோடு விளையாடுவது நியாயமற்றது.

“>

இதனால் பள்ளி நிர்வாகங்கள் மாணவர்களுக்கு ஒழுக்கத்தைக் கற்றுக்கொடுப்பதில் மாற்று வழிகளைக் கையாள வேண்டும். எச்சரிக்கை விடுத்திருக்கலாம் அல்லது தேர்வுக்குப் பிறகு நடவடிக்கை எடுத்திருக்கலாம் அதை விடுத்து தேர்வறையிலேயே அனுமதி மறுப்பது ஒரு முற்போக்கான கல்வி முறைக்கு அழகல்ல. இந்த விவகாரத்தில் கல்வித்துறை அதிகாரிகள் உடனடியாகத் தலையிட்டு, மாணவர்களின் கல்வி பாதிக்கப்படாமல் இருப்பதை உறுதி செய்ய வேண்டும்.

இந்நிலையில் விதிகளுக்கும் ஒழுக்கத்திற்கும் அப்பாற்பட்டு, மாணவர்களின் மனநலனும் அவர்களின் கல்வி கற்கும் உரிமையும் எப்போதும் முன்னுரிமை பெற வேண்டும். இச்சம்பவம் குறித்து விரிவான விசாரணை நடத்தி, வருங்காலத்தில் எந்த ஒரு மாணவனும் இது போன்ற காரணங்களுக்காகத் தேர்வை இழக்காத நிலையை அரசு உருவாக்க வேண்டும்.