“பெற்றோருடன் பண்டிகை கொண்டாட்டம்…” ஒரே நொடியில் துடிதுடித்து இறந்த மாணவி…. மகளை இழந்து கதறி துடித்த பெற்றோர்…. நெஞ்சை உலுக்கும் சம்பவம்…!!

போனாலு பண்டிகையைக் கொண்டாடுவதற்காக மாணவி ஷ்ரவாணி, தன் பெற்றோர் சுரேஷ் மற்றும் உமாராணியுடன் புதிய இருசக்கர வாகனத்தில் சொந்த ஊரான சொந்தூருக்குப் புறப்பட்டுச் சென்று கொண்டிருந்தார். தெலுங்கானா மாநிலம் கட்கேசர் பகுதியில் உள்ள வந்தனா ஹோட்டல் அருகே சென்றுகொண்டிருந்தபோது, பின்னால் அதிவேகமாக வந்த லாரி ஒன்று எதிர்பாராதவிதமாக இவர்களது வாகனம் மீது பலமாக மோதியது.

இந்தக் கோர விபத்தில் ஷ்ரவாணி லாரியின் சக்கரங்களில் சிக்கி சம்பவ இடத்திலேயே பரிதாபமாக உயிரிழந்தார். அவருடன் பயணித்த பெற்றோர் சுரேஷ் மற்றும் உமாராணி இருவரும் படுகாயமடைந்தனர். இச்சம்பவம் குறித்துத் தகவலறிந்து வந்த கட்கேசர் போலீசார் வழக்குப் பதிவு செய்து, காயமடைந்தவர்களை சிகிச்சைக்காக மருத்துவமனைக்கு அனுப்பி வைத்தனர். மேலும் தப்பியோடிய லாரி ஓட்டுநரைத் தீவிரமாகத் தேடி வருகின்றனர்.