“உங்க கவனமெல்லாம் எங்கே போச்சு..?” பெண்களுக்கு பாதுகாப்பே இல்லையா…?பெண் செவிலியர் கொலை விவகாரம்… முதல்வர் விஜயை விமர்சித்த ஸ்டாலின்…!!

ஈரோடு மாவட்டம், பெருந்துறை அருகே பல்லகவுண்டம்பாளையம் பகுதியில் உள்ள தனியார் மருத்துவமனையில் செவிலியராகப் பணியாற்றி வந்த உத்திரா (26) என்பவர் கடந்த அக்டோபர் 15ஆம் தேதி முதல் திடீரெனக் காணாமல் போனார். இது குறித்து அவருடைய கணவர் அளித்த புகாரின் அடிப்படையில் காவல்துறையினர் தீவிர விசாரணை மேற்கொண்டதில், கடந்த அக்டோபர் 17ஆம் தேதி விஜயமங்கலம் சுங்கச்சாவடிக்கு அருகில் உத்திரா சடலமாகக் கண்டெடுக்கப்பட்டது. இச்சம்பவம் தொடர்பாகப் பாதிக்கப்பட்ட பெண்ணுடன் பணியாற்றி வந்த ஆண் செவிலியரான சரவணன் (23) என்பவரைக் காவல்துறையினர் கைது செய்துள்ளனர்.

விசாரணையில், உத்திராவின் நான்கு பவுன் தாலிச் சங்கிலியைப் பறிக்கும் நோக்கில் குற்றவாளி தனது இருசக்கர வாகனத்தில் அழைத்துச் சென்று அவரைக் கொலை செய்ததாகக் காவல்துறையினர் தெரிவித்தனர். பறிமுதல் செய்யப்பட்ட நகைகளுடன் கைது செய்யப்பட்ட நபர் நீதிமன்றத்தில் ஆஜர்படுத்தப்பட்டு காவலில் வைக்கப்பட்டுள்ளார். இதற்கிடையே, இக்கொலை சம்பவம் மற்றும் போதைப்பொருள் புழக்கம் உள்ளிட்ட விவகாரங்களை முன்னிறுத்தி மாநிலத்தில் சட்டம்-ஒழுங்கு சீர்குலைந்துள்ளதாகத் தி.மு.க தலைவர் மு.க.ஸ்டாலின் தமிழக அரசை கடுமையாக விமர்சித்துள்ளார். இதற்குப் பதிலளித்துள்ள த.வெ.க தரப்பு, முந்தைய ஆட்சியின் நிர்வாகச் சீர்கேடுகளே இத்தகைய குற்றங்களுக்குக் காரணம் எனவும், சட்டம்-ஒழுங்கை முழுமையாகக் கட்டுப்படுத்தத் தேவையான நடவடிக்கைகள் தீவிரமாக எடுக்கப்பட்டு வருவதாகவும் விளக்கம் அளித்துள்ளது.