வாய் துர்நாற்றத்தால் அவதிப்படுறீங்களா?… இதோ எளிதான பாட்டி வைத்தியம்… இத ட்ரை பண்ணி பாருங்க..!

பொதுவாக நமது வாயில் பாக்டீரியாக்கள் உருவாவது நாள்தான் வாய் துர்நாற்றம் ஏற்படுகிறது. வாய் துர்நாற்றத்திற்கு காரணம் உடல்நிலையை மாற்றம் மற்றும் பழக்க வழக்கம் பொறுத்து மாறுபடுகிறது. புகைப் பிடிப்பவருக்கும், கார்பனேட் குளிர்பானங்களை குடிப்பதாலும் வாய் துர்நாற்றம் ஏற்படலாம். இது போன்ற பழக்கவழக்கங்களை கைவிட்டாலே நாளடைவில்  துர்நாற்றம் குறைந்து விடும். நூற்றில் எண்பது சதவீத பேருக்கு வாய் துர்நாற்றம் ஏற்படுகிறது.

தினமும் இரண்டு முறை பல் துவக்க வேண்டும், கட்டாயம் நாக்கையும் சுத்தம் செய்ய வேண்டும். எதை சாப்பிட்டாலும் உடனே வாய் கொப்பளிக்க வேண்டும். வாய் வறட்சி ஏற்படாமல் தண்ணீர் குடிக்க வேண்டும். இது போன்ற பழக்கத்தை பின்பற்றினாலே வாய் துர்நாற்றம் வராது. இதுபோன்ற பராமரிப்பு செய்தும் துர்நாற்றம் வந்தால் உடனடியாக பல் மருத்துவரை அணுக வேண்டும்.

சொத்தைப்பல், அஜீரண பிரச்சனை, சர்க்கரை நோய் இது போன்ற பாதிப்பு இருந்தாலும் வாய் துர்நாற்றம் ஏற்படும். மருத்துவரின் ஆலோசனை பெற்று வாய் துர்நாற்றத்தை சரிச்செய்து கொள்ளுங்கள். இது போன்ற எந்த ஒரு நோய்க்கான அறிகுறியும் இல்லாமல் துர்நாற்றம் வீசினால் வீட்டு வைத்தியம் பின்பற்றலாம். எலுமிச்சைச்சாறு சிறிதளவு, பட்டை பொடி மற்றும் சோடா உப்பு, தேன் ஆகியவை சேர்த்து கலந்துக் கொள்ளவும் . பின்பு அந்த கலவையை வெதுவெதுப்பான தண்ணீரில் கலந்து வாய் கொப்பளிக்க வேண்டும். இதுபோன்று தொடர்ந்து செய்து வந்தால் வாய் துர்நாற்றம் நீங்கும்.

நன்னாரி வேரை ஊற வைத்து வாய் கொப்பளிக்கலாம், பட்டை மற்றும் சீரகத்தையும் கொதிக்க வைத்து வாய் கொப்பளிக்கலாம். தினமும் துளசி இலைகளை சாப்பிட வேண்டும். இல்லையென்றால் துளசியை கொதிக்க வைத்த நீரைக் குடிக்கலாம். பூண்டு வெங்காயம், அதிக மசாலா, எண்ணைப் பொருட்கள், காரமான பண்டங்கள் இதுபோன்றப் பொருட்களை தவிர்ப்பது நல்லது. வாய் துர்நாற்றத்தை போக்க இது போன்ற செய்முறைகளை செய்து பாருங்கள் வாய் துர்நாற்றம் உங்களை விட்டு ஓடிவிடும்.