“செல்போனில் சார்ஜ் இல்ல” இரவில் ரயில் நிலையத்தில் கலங்கியபடி நின்ற பெண்… கடவுள் போல வந்த இராணுவ வீரர்… அடுத்து நடந்த நெகிழ்ச்சி சம்பவம்…!!

உதவி என்பது மிகவும் தேவையான நேரத்தில் எதிர்பாராமல் கிடைப்பதே மிகப்பெரிய வரமாகும். விரஜபூமியில் ஹோலி பண்டிகையைக் கொண்டாடி முடித்த ரூப் என்ற பெண் பயணி, டெல்லி செல்வதற்காக இரவு 8:45 மணிக்கு மதுரா சந்திப்பு ரயில் நிலையத்தை வந்தடைந்தார். அப்போது அவரது மொபைல் போனில் வெறும் 2% பேட்டரி மட்டுமே இருந்தது. எதிர்பாராதவிதமாக, ஹோலி கொண்டாட்டத்தின் போது அவரது பவர் பேங்க் தண்ணீரில் விழுந்து பழுதாகிவிட்டதால், அவர் பெரும் கவலையில் ஆழ்ந்தார்.

தனது தற்போதைய இருப்பிடத்தை (Live Location) பெற்றோருக்கு அனுப்ப அவருக்குச் சில நிமிடங்கள் சார்ஜ் தேவைப்பட்டது. பிளாட்பாரத்தில் இருந்த பல கடைக்காரர்களிடம் உதவி கேட்டும் யாரும் அவருக்கு உதவ முன்வரவில்லை. ரயில் கிளம்பும் நேரம் நெருங்கிய நிலையில், 6-வது பிளாட்பாரம் அருகே நிறுத்தப்பட்டிருந்த ராணுவ ரயிலில் ஒரு இந்திய ராணுவ வீரர் தனது மொபைலை சார்ஜ் செய்து கொண்டிருப்பதை ரூப் கவனித்தார். அவரிடம் சென்று உதவி கேட்டபோது, அந்த வீரர் ஒரு நொடி கூட யோசிக்காமல் தனது போனை அகற்றிவிட்டு, தனது பவர் பேங்கை அவரிடம் வழங்கினார்.

சில நிமிடங்களிலேயே தனது போனை சார்ஜ் செய்த ரூப், தனது இருப்பிடத்தைப் பெற்றோருக்குத் தெரிவித்துவிட்டு, அந்த வீரரிடம் பவர் பேங்கைத் திருப்பிக் கொடுத்துவிட்டு ரயிலில் ஏறினார். அந்த ராணுவ வீரரின் உடனடி உதவியால் அவரது பயணம் பாதுகாப்பானதாக மாறியது. போர்க்களத்தில் மட்டுமின்றி, இக்கட்டான சூழலிலும் சாமானிய மக்களுக்கு உதவும் ராணுவ வீரர்களின் மனிதாபிமானத்தை இந்தச் சம்பவம் மீண்டும் ஒருமுறை பறைசாற்றுகிறது.