ஐயோ கடவுளே இப்படியா ஆகணும்…! “தங்கையை காப்பாற்ற சென்ற அக்கா…” நொடிபொழுதில் நடந்த சம்பவம்…. கதறி அழுத குடும்பத்தினர்…. பகீர் சம்பவம்…!!

தெலுங்கானா மாநிலம் முலுகு மாவட்டத்தில் விடுமுறை தினமான நேற்று, தந்தை தனது இரண்டு மகள்களையும் விவசாயத் தோட்டத்திற்கு அழைத்துச் சென்றுள்ளார். பெற்றோர் சற்று தொலைவில் வேலை பார்த்துக் கொண்டிருந்த நேரத்தில், குழந்தைகள் இருவரும் அருகில் இருந்த ரஹீம் கிணற்றைப் பார்க்கச் சென்றுள்ளனர்.

அப்போது எதிர்பாராதவிதமாக 4 வயதான எம்.டி. ஆசியா என்ற சிறுமி தவறி கிணற்றுக்குள் விழுந்துள்ளார். இதைக் கண்டு அதிர்ச்சியடைந்த 18 வயதான அக்கா எம்.டி. சம்யுக், தனது தங்கையைக் காப்பாற்றுவதற்காக யோசிக்காமல் கிணற்றுக்குள் குதித்துள்ளார். ஆனால், எதிர்பாராதவிதமாக இருவராலும் நீந்த முடியாமல் நீரில் மூழ்கி சம்பவ இடத்திலேயே பரிதாபமாக உயிரிழந்தனர்.

தகவலறிந்து விரைந்து வந்த போலிஸார் இருவரின் உடல்களையும் மீட்டு உடற்கூறாய்வுக்காக முலுகு அரசு மருத்துவமனைக்கு அனுப்பி வைத்தனர். ஒரே குடும்பத்தைச் சேர்ந்த இரண்டு பெண் குழந்தைகள் நீரில் மூழ்கி உயிரிழந்த இச்சம்பவம் அப்பகுதியில் பெரும் சோகத்தை ஏற்படுத்தியுள்ளது.