1 வருடத்திற்கும் மேல் விளையாடாத சுப்மன் கில்லுக்கு துணை கேப்டன் பதவி கிடைத்தது எப்படி..? வெளியான பரபரப்பு தகவல்…!!

ஆசிய கோப்பை கிரிக்கெட் தொடருக்கான இந்திய டி20 அணி நேற்று தெரிவிக்கப்பட்டது. அடுத்த வருடம், டி20 உலக கோப்பை கிரிக்கெட் தொடர் நடைபெற இருப்பதால், இந்த தேர்வு மிகவும் முக்கியமானது.

அதிரடியாக விளையாடும் ஜெய்ஸ்வால், ஐ.பி.எல்.,லில் அசத்தும் ஷ்ரேயாஸ் அய்யர் மற்றும் சுப்மன் கில்லும், இந்த அணியில் இடம்பெறலாம் என எதிர்பார்க்கப்படுகிறது. ஜெய்ஸ்வால் மற்றும் சுப்மன் கில் ஆகியோருக்கிடையே கடும் போட்டி நிலவி வந்த நிலையில், யாரும் எதிர்ப்பாராத விதமாக சுப்மன் கில்லுக்கு, துணை கேப்டனாக பதவி வழங்கப்பட்டது. சுப்மன் கில்லுக்கு அணியில் இடம் கிடைக்குமா? என்று எதிர்பார்த்த நிலையில், எதிர்காலத்தை கருத்தில் கொண்டு, கௌதம் கம்பீர் தான் அவருக்கு, துணை கேப்டன் பதவியை வழங்க வேண்டும் என வற்புறுத்தியதாக தகவல் வெளியாகியுள்ளது.

அக்சர் பட்டேலை தான், துணை கேப்டனாக நியமிக்க, அகர்கர் தலைமையிலான குழு, முடிவு செய்தது. ஆனால் ஆன்லைன் மூலம் ஆலோசனைக் கூட்டத்தில் பங்குபெற்ற கௌதம் கம்பீர், “அடுத்த மாதம் வந்தால் 26 வயது நிறைவடைய கூடிய கில்லுக்கு வாய்ப்பு கொடுத்தால், அவர் நீண்ட காலம் விளையாட முடியும். மேலும் இந்தியாவின் எதிர்காலத்திற்கு யாராவது ஒருவரை வளர்ப்பது மிக அவசியம்” என கருத்து தெரிவித்தார்.

நீண்ட நேரம் விவாதத்திற்கு பின், சுப்மன் கில்லை தவித்தால், சரியான நபரை தேர்வு குழுவால்  கண்டுபிடிக்க முடியவில்லை. சூரிய குமாரிடம் இருந்து, கேப்டன் பதவியை பெறுவதற்கு இதுதான் சரியான நேரம் என்று தேர்வு குழு கருதியதாக தகவல் வெளிவந்தது. சுப்மன் கில், கடந்த வருடம் ஜூலை மாதத்திற்கு பின், டி20 கிரிக்கெட்டில் விளையாடவில்லை. மேலும், டெஸ்ட் அணியில் கேப்டனாக சுப்மன் கில் நியமனம் செய்யப்பட்டுள்ளார்.