அம்மாடியோ… என்னது இது?… பட்டப்பகலில் எம்பிஏ மாணவர் செய்த பகீர் திருட்டு… மிரள வைக்கும் சிசிடிவி காட்சி… ஹைதராபாத்தில் பரபரப்பு….!

ஹைதராபாத்தில் எம்பிஏ படிக்கும் மாணவர் ஒருவர், மஹிந்திரா தார் வாகனத்தின் டயர்கள் மற்றும் பஞ்சர் கடையில் இருந்த கருவிகளைத் திருடிய சம்பவம் அங்குள்ள சிசிடிவி கேமராவில் பதிவாகி பெரும் பரபரப்பை ஏற்படுத்தியுள்ளது. உயர்கல்வி பயிலும் ஒரு மாணவர் இதுபோன்ற குற்றச் செயலில் ஈடுபட்டிருப்பது அப்பகுதி மக்களிடையே அதிர்ச்சியை ஏற்படுத்தியுள்ளது.

சம்பவத்தன்று நள்ளிரவில் பஞ்சர் கடைக்கு அருகில் நிறுத்தப்பட்டிருந்த தார் வாகனத்தை இலக்கு வைத்த அந்த மாணவர், திட்டமிட்டு பஞ்சர் கடையில் இருந்த சக்கரங்களை கழற்றும் கருவிகளை எடுத்துள்ளார். பின்னர், அந்த கருவிகளின் உதவியுடன் தார் வாகனத்தின் டயர்களை மிகச் சுலபமாக கழற்றி திருடிச் சென்றுள்ளார். இந்த ஒட்டுமொத்த சம்பவமும் அங்கு பொருத்தப்பட்டிருந்த சிசிடிவி கேமராவில் தெளிவாகப் பதிவாகியுள்ளது.

கடை உரிமையாளரின் புகாரின்பேரில் சம்பவ இடத்திற்கு வந்த காவல்துறையினர், சிசிடிவி காட்சிகளை ஆய்வு செய்து விசாரணையைத் தொடங்கினர். வீடியோ ஆதாரங்களின் அடிப்படையில் திருட்டில் ஈடுபட்ட எம்பிஏ மாணவரை அடையாளம் கண்ட போலீசார், அவரை தீவிரமாகத் தேடி வருகின்றனர். மேலும், இந்த திருட்டுக்குப் பின்னால் வேறு ஏதேனும் பின்னணி உள்ளதா என்ற கோணத்திலும் விசாரணை நடைபெற்று வருகிறது.