ஸ்டாலினுக்கு அடுத்த ஷாக்… திமுக கூட்டணியில் இருந்து விலகும் முக்கிய கட்சி?…. பரபரப்பு பேட்டி….!

தமிழகத்தில் 2026 ஆம் ஆண்டு சட்டமன்றத் தேர்தல் நெருங்கிக் கொண்டிருக்கும் சூழலில் திமுக தனது கூட்டணி கட்சிகளுடன் தேர்தலை சந்திக்க தயாராகி வருகிறது. ஆனால் திமுக கூட்டணியில் இருக்கும் காங்கிரஸ், விடுதலை சிறுத்தைகள் உள்ளிட்ட கட்சிகள் கூடுதல் தொகுதிகளை கேட்டு ஸ்டாலினுக்கு தொடர்ந்து நெருக்கடி கொடுத்து வருகின்றன. குறிப்பாக காங்கிரஸ் ஆட்சியில் பங்கு மற்றும் கூடுதல் தொகுதி என குரல் எழுப்பி வருவதால் ஸ்டாலினுக்கு இது மிகப்பெரிய சிக்கலாகவே மாறி உள்ளது.

கூடுதல் தொகுதிகளை திமுக ஓதுக்காவிட்டால் தமிழக வெற்றி கழகம் கட்சியில் கூட்டணி அமைக்க போவதாக காங்கிரஸ் பேச்சுவார்த்தை நடத்தி வருவதாகவும் தெரிகிறது. இப்படியான சூழலில் ஸ்டாலினுக்கு அடுத்த அதிர்ச்சி கொடுக்கும் விதமாக இந்திய கம்யூனிஸ்ட் கட்சியும் குரல் எழுப்பியுள்ளது. இந்திய கம்யூனிஸ்ட் மாநில செயலாளர் வீரபாண்டியன் செய்தியாளர்களை சந்தித்து பேசிய போது, வருகின்ற சட்டமன்றத் தேர்தலில் திமுக கூட்டணியில் அதிக தொகுதிகளை நாங்கள் கேட்டு பெறுவோம்.

ஆட்சி அதிகாரத்தில் பங்கு கேட்க மாட்டோம். அரசு ஊழியர்களுக்கு அறிவித்துள்ள ஓய்வூதிய திட்டத்தில் உள்ள சில குறைகளை களைய வேண்டும். ஆட்சியில் தவறு நடக்கும் பட்சத்தில் கம்யூனிஸ்ட் கட்சிகள் தான் தொடர்ந்து எதிர்ப்பு தெரிவித்து போராடி வருகின்றது. தமிழ்நாட்டில் திமுக கூட்டணி மிகவும் வலுவாக உள்ளது. ஆயிரம் அமித்ஷா வந்தாலும் திமுக கூட்டணியை தோற்கடிக்க முடியாது. தமிழக மக்கள் பிரிவினைவாத தேக்கடிக்கு வாக்களிக்க மாட்டார்கள். கம்யூனிஸ்ட் கட்சிகளுக்கு கொடுக்கப்படும் இடங்கள் குறைவாக இருந்தாலும் அவர்களை கடந்து சென்று விட முடியாது என்பது வாக்காளர்களுக்கு நன்கு தெரியும் என்று அவர் பேசியுள்ள நிலையில் தற்போது இது ஸ்டாலினுக்கு புதிய சிக்கலாக மாறி உள்ளது.