நான் Pregnant -ஆ இருக்கேனா..? பிரபல சன் டிவி சீரியலில் இருந்து விலகும் கதாநாயகி.. வைரலாகும் சமூக வலைதள பதிவு..!!

சின்னத்திரை நடிகையான ஷபானா ஜீ தமிழ் தொலைக்காட்சியில் ஒளிபரப்பான செம்பருத்தி சீரியல் மூலம் பிரபலமானார். இவரது நடிப்பிற்கும் அழகுக்கும் ஏராளமான ரசிகர்கள் இருக்கின்றனர். கடந்த மூன்று ஆண்டுகளாக வெற்றிகரமாக ஒளிபரப்பான செம்பருத்தி சீரியல் கடந்த 2021-ஆம் ஆண்டு முடிவுக்கு வந்தது. இதனையடுத்து விஜய் டிவி சீரியல் நடிகரான ஆரியனை ஷபானா காதலித்து திருமணம் செய்து கொண்டார்.

ஆரியன் தற்போது ஜீ தமிழ் சீரியலில் ஒளிபரப்பாகும் மீனாட்சி பொண்ணுங்க சீரியலில் நடித்து வருகிறார். சீரியல்களில் இருந்து சிறிது காலம் விலகி இருந்த ஷபானா கடந்த ஆண்டு மிஸ்டர் மனைவி சீரியலில் நடிக்க ஆரம்பித்தார். சன் டிவியில் ஒளிபரப்பான மிஸ்டர் மனைவி சீரியல் பிரைம் டைமில் பரபரப்பாக ஒளிபரப்பாகும். இந்த சீரியலை பார்ப்பதற்கு ஏராளமான ரசிகர்கள் இருக்கின்றனர்.

இந்த நிலையில் சீரியலில் இருந்து தான் விலக போவதாக ஷபானா அறிவித்தார். அவர் கர்ப்பமாக இருப்பதால் தான் சீரியலில் இருந்து விலகுகிறார் என வதந்தி பரவியது. அவர் தனது இன்ஸ்டாகிராம் பக்கத்தில் மிஸ்டர் மனைவி சீரியலில் இருந்து விலகுவது வருத்தமாக இருக்கிறது. ஆனால் ஒரு சில தனிப்பட்ட காரணங்களால் இந்த சீரியலில் இருந்து விலகுகிறேன். அஞ்சலி கேரக்டர் எனக்கு மிகவும் பிடிக்கும்.

அஞ்சலி கதாபாத்திரத்தில் இனி சீரியலில் நடிக்க இருக்கும் நடிகைக்கு எனது வாழ்த்துக்கள் என பதிவிட்டுள்ளார். மேலும் மிஸ்டர் மனைவி சீரியலில் இருந்து நான் விலகியதற்கு கர்ப்பமாக இருப்பது தான் காரணம் என நினைத்து பலரும் வாழ்த்து கூறி வருகின்றனர். ஆனால் நான் கர்ப்பமாக இல்லை. அப்படி இருந்தால் கண்டிப்பாக கூறுகிறேன். இனி ஒரு புத்தம் புதிய ப்ராஜெக்ட்டில் நல்ல கேரக்டருடன் உங்களை சந்திக்கிறேன் என கூறியுள்ளார். இதனால் ரசிகர்கள் அதிர்ச்சியில் உள்ளனர்.